جروح في جروح
 

[poem=font=",6,blue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/196.gif" border="none,4," type=2 line=0 align=center use=ex num="0,black""]
تذوب كبد اللي يشـوف الغبينـه=
خصٍّ الى جاته من الناس الأدنيـن
وتسهر بليل الهـمّ والغـمّ عينـه=
واللي سقوه المرّ بالنـوم هانيـن
ياقشرهـا الدنيـا علينـا لعينـه=
رمت بنـا بارْحِـي كتّابـة البيـن
ناسٍ مودتهـا ظنـون وضغينـه=
ووصالها نـارٍ تشـلّ الشراييـن
تبـذّ غيـب المزعجـات الكنينـه=
وتضحك كما ضحك الافاعي بنابين
دون الطرا بيبـان بقعـا حصينـه=
وجنود بقعا عند بابـه سلاطيـن
لاجيت ادوّر لي مع الربـع عِينـه=
قالوا لي مالك رقْم وسط الدواوين
واوقفت بصفوف الحظوظ الحزينه=
والناس من حولي اشوفه معدّيـن
أحـدٍ حبالـه بالمراسـم متينـه=
واحدٍ رصيده في حسابـه ملاييـن
واحـدٍ يداريهـم بنفـسٍ مهينـه=
ويريغهم لين اصبحوا عنه راضين
وانـا بعـزّي واقـفٍ كالرهينـه=
مثل الاسير اللي خـذوه المعاديـن
أرجي سحاب القيظ يمطر غشينـه=
على ثرى قلبٍ تمحّل مـن اسنيـن
من عقب ماهو مثل وصف المدينه=
معمورةٍ بالونـس منـه المياديـن
اليوم غـادي كالطلـول الدفينـه=
يجرّ به بـوم الهمـوم التلاحيـن
وسرحان حظـي مقويـاتٍ يدينـه=
يرهف بوديــان الليالي بـلا ِشيـن
لاشاف نور الفجـر قـرّب حتينـه=
عوى من الضيقه بروس الضلاعين
يالله قسمـة خـيـر لاتبتليـنـه=
في حاجةٍ عند الرخـوم الرديّيـن
اقنعنـا عنهـم والقناعـه ثمينـه=
يجمل بها الرجّال بالموقف الشيـن
واكتب لنا معها الوفـا والسكينـه=
والصبر والتوفيق بالعسر والليـن
آمين يامنجـي حطام السفينـه=
يامن لعـزّه يسجـدون المصلّيـن

مما قرأت
[/poem]