منتدى همس المودة - حصرياالشاعربن لزنم والشاعرالمهلهل واخرقصائدهم الشعريةبدع وجواب؟؟؟

http://img.aljasr.com/user.aspx?id=5...besm_salam.gif
بن لزنم والمهلهل بدع وجواب
***************
اخواني واخواتي اعضاءمنتديات خورة الاعزاء يسرني ويسعدني
ان اطرح اليكم هذةالقصائدالشعريه بدع وجواب

لوالدي والشاعر الكبيربن لزنم
وصديقي والعضوالمميز والمبدع المهلهل
ونبدى بالبدع للمهلهل

ياناصرالوقت طول شي نظر شي بصر=قم شلنـا لا مطـارح ربـت الحانيـات
خلاص يكفي علينا ما عبـر قـد عبـر=سنين تعبر عسى عيضه في الجايـات
شف لي سنة في سنة راحت عليا هـدر=مشتاق للارض دي تحلا بها السمريات
للارض مشتاق ذي ربت جمال السفر=ربت رجاجيل فيهـا كامليـن الصفـات
دي يصبرو صدق في الدنيا لبـرده وحـر=والامن ساغوه والقوله نـوب حربيـات
كل ما تحسيت دمعي من عيونـي مطـر على مطارح مست من بعدهـم محزنـات
ومن بعدهم قد تعذب خاطري وانقهـر= وضاق حاله وفرمنهاومـن مـات مـات
من بعدهم ركت اعظامي وعزمـي قصـر= ولثقيلـة معـاد باقاطـر المنـيبـات
هذا وقم شلنـا مـا مـن عليهـا عمـر= الا وجابة زمانـه خـل كسـب المئـات
ذي يبكر الصبح بالحمرة ويـوم المطـر= ولا نظرته بعينك تبـرد الحنيـات
كمن وكم غصن داني بالـورق والثمـر=لاوصلك ظله معد تنـدم علـى ذي فـات
لا تضيع العمـر اوتقضيـة كلـه سفـر=وتحرم النفس شوف اعتومهـا الهانيـات
العمر اثلاث فيه احسن ثلـث قـد عبـر= والله يطيلـه ويحفـظ طيبيـن النيـات
لا سلمت يا الموت ما خليتنـي يالكبـر= والوقت غـدار لا تكثـر مـن الامنيـات
ياريت حـد طيـر لتذكـر بـلادة يفـر= لا هزة الشوق حوم عـا بقـع غاليـات
عاروس حسيات وانعيمة وطاف المقـر=ميح على الشعب فوق اغلوبه العاليـات
ومسي بخورة بلادي دبها المستقر =وبـرونكس بوديان تروي عتومهـا سابـرات
قم شلني قبل ما الحالي يبص اويقر= ما عاد تلفاه لا هو في شجر دانيـات
والختم صلوا عدد ما حاج حج واعتمـر=علـى محمـد والـه طيبيـن النـيـات

واليكم جواب شاعرنا الكبيربن لزنم

ياالله دعيناك يارحمان تنظر نظر= ياعالم الغيب ياقاضي لنا الحاجيات
عبدك دعاء ليك ياعالم بسر البشر=تفرج همومه وحد الضيق والكربيات
عساك تغفر ذنوبي دي من اسنين مر=ياالله عفوك وجنبني من الزليات
وهب لنا لنا رزق من بابك ومده كثر=ماحد لنا غيرك انته مدتك مديات
انحمدك حمد ياربي على ماسبر=واجب لك الحمد ياربي مع الشكريات
وقال بن لزنم البارح تعب في السمر=ومست عيوني تعيبه فا السمر قاهدات
ومسيت محتار لكن هاجسي قد حضر= وخرج اقوال من جده ومن عدميات
هاجس يسلي على من ظيق ولاكدر=ولايهم المسافه لطرق ملويات
يعبر في الحيد ولا لحوي وسط بحر=سباح ماهر ولايفزع من الموجيات
وبعد يامرحبا ترحيب ماقد دفر=سيله في الارض ومست كلها مرويات
بخط شاعر وصلني في الرسائل صدر=خط المهلهل ونا باقول حيا ميات
مبعد عرفته وهو حقق عليه وصر=وقمت مجبور باكتب له كلم عديات
لوكان وضح وسواء تحت اسمه حذر=هذا سمي يبن لزنم وحفظ السريات
ماكان راسي يعورني وقلبي همر=لانني دون الكلمات في امجلدات
حرام ترك في اشعاري وضيع درر=مني ومن شخص لاجتني درروافيات
الان ياهاجسي ماقط شرعك قصر=جاوب على انسان خافه يحذر التاليات
قل المهلهل يسامحني عليه الشقر=هذا جوابه لبا له في الزمن ذكريات
يشكي همومه من الغربه يقول انفجر=الصبر يا الجيد بكره با يقع حليات
ماعذر من تنفرج كم شخص غيرك صبر=صبرك على الله لبعد تكثر الحنيات
شف ذا مقدر من الباري علينا قدر=لترك بلدنا ولصبح في بلد ثانيات
حد فالسعوديه يترزق وحد في قطر=وكم معك ناس في عدت دول مسميات
لاعاد تشكي عليه حالتي في خطر=كل ما تذكرت زاد الهم والونيات
والله منساك ياحصن الكدم والهجر=لازال حبك وخوره في الكبد والريات
والختم صلي عدد ماغدر وصبحه نور=على محمد حبيبي فيه احسن صفات

وفي الاخيراتمنى انهانالت اعجابكم

[motr]
اخوكم/شاعرفي المشاعر
ولدجاران
[/motr]