اسمع جوابي قبل ياسي يعزيك
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جاني من القيفان ما أروا ضمايا = خلاني من الشوق أطرب وغنيك
تدمح لك الزلة وكل الخطايا = مني وأنا لك دايم الدوم شاريك
ياصاحي كلك ابعضك مزايا = الطيب ساسك والمراجل هقاويك
ياكامل الشارات حلو السجايا = في ناظري سبحان ربٍ مسويك
غلاك في صدري منور سمايا = ياواحدٍ من بد خلقه إن خاويك
وإن كان منزلنا بقاله بقايا = حنا بوسّط العين لازم نداريك
والكلمنة اللي أثرت بالحنايا = وقتك كفيلٍ والقوافي تسليك
والله لحد هو عارفٍ بالنوايا = يدري عن اللي بالخفا دوم يغويك
بنا وبانت خافيات الخفايا = والشوق غرد في سمانا يداريك
[/poem]








[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أرجع ورى ياقاف وضرب تحايا = من يوم ماهزاع يقرأ معانيك
ياعز راسي يابعيد الخطايا = أسمع جوابي قبل ياسي يعزيك
العلم لامن جاك صّف النوايا = لا تعتمد ظلمي وتزعل بناخيك
وعن مايكنّه ضامري من خفايا = الشاهد الله كم أنا حيل أغليك
ياصاحبي طيفك معانق سمايا = حبك بدمي والخلايا تراعيك
فعل المراجل والسخا لك مزايا = ترعى المخاطر ماتضعضع هقاويك
واللي ينوشك صار ضمن الضحايا = بالسيف الاحدب نعطب اللي يعاديك
يابو محمد ياحميد السجايا = ( في ناظري سبحان ربٍ مسويك )
وإن جاك مني يارفيقي جفايا = ارهن حياتي قدمك إن كان يرضيك
تم الجواب اللي بدأ بالتحايا = وختامها كل الفخر يافتى فيك
[/poem]

للصمود عشاق
للابداع عشاق
الله يعطيك العافية
وسلم راسك.

اسير الغربه

وبدوري اشكر تواجدك الرائع

امير الغروف
هذا من ذوقك وكرمك اخي الكريم