جيت المكان اللي جمعنا وخفيت(بن فطيس المري)
 

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البارحة ربـي كتـب لـي ومريـت ..=..دربٍ عليه بـروق الأحبـاب لاحـت
جيت المكان اللـي جمعنـا وخفيـت ..=.. وقامت جروحي للجوارح وصاحـت
ياليتنـي فـي لفـة الـدرب زليـت ..=.. كان العيون مـن الدمـوع استباحـت
التم غيـم الدمـع مـن يـوم لفيـت ..=.. وورقا القصيد لشوفـة الغيـم ناحـت
وضحكت ماأبغي الناس تدري يبالفيت ..=.. لكنها غصبٍ علـى العيـن ساحـت
حارت دموعي في عيوني وصديـت ..=.. وأرمشت مابيهـا تبيـن .. وطاحـت
وعقبه برق في العين براق .. واسقيت ..=.. خـدي ووناتـي بصـدري تلاحـت
وأنا أحسب إني في فراقـه تشافيـت ..=.. وان عبرتي من مدخل الزاد زاحـت
اللي يحسب إني على البعـد سجيـت ..=.. والا ان عيونـي للرقـاد استباحـت
ياليتني مـن قبـل لا أحبـه اقفيـت ..=.. والا ان دروبي عن دروبـه تناحـت
أهون علـي مـن البكـا والتناهيـت ..=.. وأشلا من سدودٍ على النـاس باحـت
عرفت كيف الحي يفرق عن الميـت ..=.. وعرفت قيمة نعمتـي يـوم راحـت
قولولـه انـي عقـب بعـده تدانيـت ..=.. ورجلي عن دروب المعافين شاحـت
البعد نـار وطاعـة العـذل كبريـت ..=.. يقصر على بعده .. ترى الكبد فاحـت
[/poem]

اسير الغربه
اشكرك اخوي على هذا النقل الرائع صح لسان بن فطيس

والله يعطيك الف عافيه على هذا المختطفات الرئعه ورجو منك

التواصل بمثل هذا النوع الجيد واشكرك على ذوقك الراقي

كل عام وانت بخير ورمضان كريم

تقبل مروري اخوك بن ياس