ابن الفقير شعر محسن لزنم
 

[poem=font=",6,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
كم هي مواقف ياعرب ينذل فيها ابن الفقير= بعكس مايلقاه من تقدير فيهاابن الغني
ابن الغني يلقامحبينه وعشاقه كثير= هذاعلى شانه غني لكن اناماهمني
اهم شي لخلاق واخلاص النواياوالضمير= وهم شي لفعال مش من قال كلمه هزني
الصدق يلقامنزله عندي وقدني به خبير= والكذب مادانيه والكذاب في عيني دني
غلطان ياذي تحسب فراقك على قلبي عسير= ماباتنقص قيمتي اوهيبتي لاسبتني
افضل الوحده ولاالعشره مع الشخص الحقير= وافضل انه ينقطع راسي بدون ان ينحني
قدذي بقلبي هم يالصحاب بايقتل بعير= لكن دمعي ماجرااوسال من فوق وجني
ورغم الضروف القاسيه مازالت احوالي بخير= قل للخون يخسون لاوالله ماحدذلني
[/poem]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الفقر ماهو عيب يا البداع خذ مهرا قصير=قد جربه خالك وعشت العمر ماشي ملني
شاعر ومتهجس وليه قيمتي عند الكبير=مثل الجبل شامخ وراسي نحدالله عزني
ماهمني فا الناس ما باحسب لدي عقله صغير=دام ان عند بال واسع حب من قد حبني
العز والناموس عندي ونكر الهرج النكير=ومشي مع ليام صابر حيث ما الله حطني
اما الغنا باالمال ماهو شي بتحديد المصير=لاما الغنا في القلب فقري قل لذي نيم اذهني
اصل الكرم والطيب خلا راعيه مثل الامير=له كلمته والقدر عاقل بالاشاره يفطني
قل السرق لاحد تجر معروف لوحتى يطير=ولا اصل يبقا اصل لوحتى من الدنيا فني
نصيحتي لا حد يقع يغشم ويهبرها هبير=يعطف على جاره وخواته هم ومن عظمه وني
اصل التواضع شيمة الرجال دي بعده يسير=ما الكبر هو الكذب من شله عسى يتكفني

[/poem]
صح السانك واعطاك العافيه كلمات روعه
ياولدي ماقصرت بارك الله فيك اول مانزلتها
وانا موجود بس كان وقت اذان المغرب ولحين
صليت ودخلت وكتبت ما جادت به القريحه
تقبل خالص التحيهو الشكر

الله يعطيك العافيه ياخال وصح لسانك ابيات جات على الوجع
ولااستغرب فجدك شاعرالعوالق في عهده ولااقول الاهذاالشبل من ذاك الاسد
تحياتي

صح بدنك وسلمت يمينك
وعافاك الله ياولدي ماتقصر
الابيات كانت في ساعه عجله
اكتبها اهم شي اعجبتك
لك خالص الشكر والتحيه

صح لسانك بن صالح علي وصح لسان ابوفهد كلكم شعار ولكم ثقلكم وبيض الله وجبيهكم على القصائد الجميلة

صح الله لسانك بن صالح علي وصح الله لسان بن لزنم ,,
وبيض الله وجيهكم ماتقصرون قصائد جميله ووجودكم كان الاجمل اتمنى ان يجمعنا عمى قريب,,
وان يضل تذكار ٍ وعهد بيننا التواصل وع القوة يابن صالح علي اتحفنا بما لديك من جديد واوجه شكري للغالي بن لزنم ع الرد بنفس الوقت واقول ولدك مر من هنا,,
ومودتي وجل تقديري

بيض الله وجيهكم يا عيال اجدادي
وصح الله السنتكم
ابدع ماهو غريب عليكم
دام الله عزكم و وجودكم ولا عدمناكم
ولدكم واخيكم / فضل محمد علي بن ناجي
الملقب سلطان خورة

صح لسانك اخي بن صالح علي على هذه القصيدة الجميلة
وصح لسانك اخي ابو فهد على هذه المجاراة السريعة والجميلة

الله يعطيكم العافية
ولا عدمتكم

صح الله لسان الشاعرين
وبيض الله وجيهكم
ولكم جزيل الشكر على الابداع