منتديات شبكة خورة العربية - قروب مكبرين الوساده ....

بسم الله الرحمن الرحيم

السلام عليكم ورحمة الله وبركاته

ملف أخضـــر .... شخص عاطل ... شخص مُهدر!!
ملف أخضر ...
وحظ أقشر
... وعيون الناس كالمنكر
هنا للمنتهى غايه ...
نهاية بس... مو أكثر
......... ....
وآنا ميت ...
بين أعيش .. وكيف أعيش؟؟
... وليه أحلم أو أفكر ؟؟
........
أنا ... عاطل !!
أنا... ..مُهدر !!

** *** ***
فـ هالملفات الكئيبه .. الف طيبه
الف مآساه ومصيبه
حلم .. واوراق ... وصور
امي .. واخواني ... وخواتي
.... والحبيبه !
شخص تايه
من ثلاث سنين وأكثر
بين يعيش .. وكيف يعيش؟؟
... وليه يحلم أو يفكّر ؟؟
شخص عاطل !!
شخص ..مُهدر !!

** *** ***
يا جريده ...!!
يا جدار ...!!
يا قوائم ...!!
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!

** *** ***
يا وظيفه ..
يالسراديب المخيفه
يا عنا ... يا بهذله
يا مآسي مهمله ...
يا ملل..
يا عُمْر يمضي ... كذا
يا أذى !!
ودي أكبر ..
من ثلاث سنين .. وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!

** *** ** يا طباشير وكتابه
يا مراسم ... يا كآبه
يا فصول ....
يا صغار :
هذا "ابو بكر" و"عمر" ...
هذي هي غزوة "حنين" ...
وهذي "مؤته" ...
وهذي هي غزوة "بدر "
هذا هو "عـــلـي"
ذا "وطن الله أكبر"!!
ذاكروا الدرس برويّه
وانت يا "صالح" تذكر
يا مؤدب يا كويّس
بكره تكبر
وتنجح .. وتصبح مدرّس ?!!
............. .....
هذا عمري ..
هذا حلمي ...
هذا بس اللي قريته ..
هذا بس اللي كتبته ..
هذا هو اللي كتبني ..
ما أبيها .. لا " فواكه " ولا " بنشّر" !!
حلمي ... أكبر
بس أبي فرصه ... وبأكبر
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!

انضمو الى قروب فقير الحظ http://sul9an.com/vb/images/smilies/adb;.gif

بهذا الموضوع ابي كل من عاطل ومكبر الوساده يجي هنا ويحط حرته بأي شي مايبيه

ويشغل باله واتمنا كل عضو يقول الي بقلبه بدون لايستحي ومن هذا الموضوع

نحاول نشارك هموم بعض ونشارك احلى عطاله وبطاله بالمنتدى ومكبرين الوساده

مهما يجي بالك هاته لو كان شي مضحك لو كان محزن المهم نشارك بعض

ولاتنسون الامنيات اكيد كل شخص له كل يوم امنيه يطرحها هنا ومهما كانت الامنيات

نحاول نواسي بعض ولو بالكلام فاقد

المهم واختصار الموضوع قروب البطاله لازم يكونو مرتاحين مهما صار

ياصاحبي لاصار حلمك وظيفة

تبلش بتالي الليل من كثر الاحلام
يمر كل لحظة خياله وطيفه
وأكبر قهر تدري بها أوهام بأوهام
أحيان ودك هالمعيشة تعيفه
لكن لولا الله وثم دين الإسلام
تساقطت الاوراق بأول خريفه
والقلب من كثر التساقط غدا حطام
نبكي على الاشياء لو هي طريفة
ونرجع ورا والناس تمشي لقدام
مدري بلانا بالكبير ووصيفة
والا بلانا بحاشية ربع صدام
ضاقت بنا الاوضاع لآخر رصيفة
والقوم ماهمه سوا صوت الإعلام
لامن ضحك كبيرنا جات خيفة
في قلب عارف ويش لعبات الايام
حلو الكلام يقال بوجوه أليفه
ياشيب عيني من كلام كالأفلام
الشمس فيها النور لكن صيفه
يحرق وجيه شاهبة ياهل الشام
صار الوطن من بيننا بالنصيفة
ناس تعشى اللحم وناس لها عظام
بعض العرب ماضيعه غير كيفه
وماكل رايٍ تكتبه روس الاقلام
مجبور أعيش اليوم عيشة شريفة
مابوق لو عمري من الوقت منظام
حتى ولو شفت الحياة الكليفة

يلا ياحلى اعضاء عطاله بشوف تفاعلكم ممكن

{ اكل ومرعى وقلت صنعى }

لاتنسون رابط القروب وهو الموضوع >>> اعضاء مكبرين الوساده :

لكم ودي واحترامي اخواني العاطلين

قروب المكبرين الوساده تحت رعاية فقير الحظ