منتديات شبكة خورة العربية - بس لا تزعل اذا قلت لك ملعون جد

بس لا تزعل اذا قلت لك ملعون جد

اخذ قلبي يالغضـي والهديـة ماتـرد
وانت ياسيدالهوى هات قلبك وازهلـه

لاتغرك وقفةالساق لو دونـك صمـد
والله ان الزلزلة في عظامـه منزلـة

من يقول الطرف لا طالعك جاه الرمد.
والله ياغير العمـى مايغـرز بأكحلـه

جيت اغني لك وعد يا بعد عمري وعد
ويوم شفتك ارتبكت وقريت البسملـة

يابعدروحي وش اللي بقى منكـم بعـد
ما ذبحنا بآخره وش نوصـف بأولـه

من تمره وانت لا برق ولاانت برعـد
من يلومه لو تحلحل عليكـم حلحلـة

من يلومه لو رمى ضافي الثوب وسجد
او بعد حتى طلع له على الراس نخلة

لو تواصيف الحلا فيك يحصيها العـدد
كان ابكتب من تهامة الى شعب جبلـة

من تعامى عن سنا نوركم ولا جحـد
كل نجم بـان يلفـي عليـه ويسألـه

سحر بابل في حناياك صاحي ما رقـد
سلسلة من سلسلة,سلسلة في سلسلة

طب وسط الملعبة طب يا فال السعـد
حط بقلوب الصبايـا سهـوم مرسلـة

كل عين ما تسمي بأسم واحـد أحـد
لا تهمـك مثلـك الله خلقـه ويكفلـه

يرجع الماخوذ لو عنكم بساعـة يلـد
يمكن انك نجمة الجدي وانـا بوصلـة

كل حسن غيركم عندي ما قام وقعـد
ما جذبني حلو ريقه ودافـي محملـة

أنت ايه انت انت يا بوح من قال وقصد
بالحروف المعجمة والحروف المهملة

من يطولك عن مراعاة زولك ما يصد
لو تفجر في محاني ضلوعـه قنبلـة

بس لا تزعل اذا قلت لك ملعـون جـد
عادتي لا شفت حلو الجمال العن هلـه

الشاعر : ناصرالفراعنه