نفسي قبل موتي !!!!!
 

ليت الجروح قصاص وآخذ بثاري..~
لاجرحك جرح ما يداويه دكتور

سقيت قلبي بالغدر سم هاري
ودعت عقلي تايه الرأي مخطور..~

ودي قبل موتي ارد اعتباري
اخاف اموت وخاطري منك مكسور ..~

على كراسي الجرح طال انتظاري
ما تلتفت ليه ..؟ قاسي ومغرور ..~

مفعول غدرك داخل القلب ساري
وما اظن في قلبك احاسيس وشعور..~

لامن كتب ربي عليك انتصاري
ابتركك في ليل الأحزان مأسور ..~

لو الجفا بالحب ما هو شعاري
وحده بوحده وماخذ الثار معذور..~
محد بحالي من سواياك داري
اضحك واجامل والحشى منك مقهور ..~

ليه الوفا ما له بخاطرك طاري
يا محترف تجريح قلبي من شهور ..~




منقوله

صح لسان الشاعر
وسلمت يمينك فارس

كلمات رائعه وقويه لامست المشاعر

اسعد الله جميع اوقاتك بالخير

ننتظر القادم من روائعك