منتديات شبكة خورة العربية - فارق عيوني وأبعد أرجـوك لاهنـت ...

ياللـي بأســـــــاليـب الخيانـه تفننـت = = = وش رجعك عقب الجفاء والقطاعـه؟؟

فارق عيوني وأبعد أرجـوك لاهنـت = = = دامك تصنعـت المشـــاعـر صناعـه

لعبـت لعباتـك بتمثيـــــــــل وأتقـنـت = = = وألفـت كذباتـك بفــــــــن وبـراعـه

وخليتنـي بالنـــــــــار يومـك تمكنـت = = = وقعدت أدوّر فـي هـواك الشفاعـه

لآن الحجـر من حالتي وأنت مالنـت = = = لأني أعطيتـك غـــــلا عـن قنــاعـه

ساويتك بروحي ومن قلبي أحسنـت = = = وزرعت حبك في ضميـري زراعـه

غدرت بي وأخلفت ضني بك وخنـت = = = وخذيت حبـي لـك مجــــرد إشاعـه

لاتقول أبرجع بالهوى مثـل ماكنـت = = = ضاع الهوى وأنت السبب في ضياعه

يوم إني أسهر بالغرابيل وين أنت = = = يـوم أتحـــــــرى جيتـك كـل ساعـه

ياللي مـع الأيـــــام ضـدي تلونـت = = = يامن تفنـن فـي وســــايـل خداعـه

بك من تواصيف الغـدر لاتمسكنـت = = = كنه أخوك من الصـدر والرضاعـه

يالمعـــدن اللي حكـك الوقـت بيّنـت = = = بيّن صداك اللـي خــذيتـه بضاعـه

ربتني الدنيــا علـى إيديـك وأيقنـت = = = إن ماكل من يطمح طموح استطاعه

اليــــوم عقب اللـي جرالـي تمعنّـت = = = والحـر بعيونـه يبيـن انطبـــــاعـه

كانك مع العــــاذل وهمـي تعاونـت = = = عندي شــهادة بالصبـر والشجاعـه

وإن كانك أسلوب التحدي لي أعلنت = = = أبشـر برجـاـــلٍ يشـمٌـر ذراعــه

أنا كـذا طبعـي وبأطبــــاعـي آمنـت = = = من عـــافنـا يحـرم علينـا اتباعـه

واللي معي صادق بعيني له أسكنـت = = = عندي عن أسلوب الخيانـه مناعـه

تدري؟؟ مدامك للهوى اليوم ماصنت = = = أقولهـا بوجهـك وكلّـي قنـاعـه

يلعن أبو رجــــــــــلٍ يذلـه هـوى بنـت = = = إذا تخلـى لأجلهـا عـن طبـاعـه

مما راااااق لي