على ضوء الشموع
 

السلام عليكم

قصيده لحارث الحارثي اعجبتني وحبيت اطرحها لكم



على ضوء الشموع اسمع صدى صوتن يناديني---يذكرني بشي(ن)كل ما اذكره يشقيني

يذكرني المكان الي هجرته من قبل عامين---سكن به جادلن ذكره لجاني الضيق يسليني

هجرت الدار يوم ان العرب قامت تضايقني---عزة نفسي وطبعي اجافي الي يجافيني

قلت ارحل وودعت الهنوف وشفتها تبكي---رحت وما توقعت البعد ما بينه وبيني

انا ما تبكي عيوني لقالوا ان العرب يبكون---وانا ما اشكي اوجاوعي مغير اوجاوعي تشكيني

يا كيف اقوى فراقه كيف انا بواجه الاهات---يا كيف انسى غلاه الي تربى في شراييني

عزمت ارجع ليا نفس الديار وشوقي يدفعني---عسى ربي بشوف الي سكن قلبي يمنيني

قربت من الديار ولكن شعورن يخالجني---بسوئن مير اقول انها توسس بي شياطيني

طرقت الباب اتمنى احد منهم يجاوبني----وساد الصمت وشعور الامل فيني يواسيني

انادي في فناء الدار اسال حد هنا في الدار---يجاوبني فناء الدار ما حد ساكنن فيني

يناديني جدار الدار وينك كل ها الغيبه---مدري وش ابدي له وحزني فيني يكويني

ياما في مدى ظلك بنيت احلام ورديه---ومن حر المقيل اذكرك دايم كنت تؤويني

بكت عينه وانا الي ما توقعت الحجر يبكي---وامتدت بدون شعور تمسح دمعه يميني

ورحت اسال عسى القى جوابن عند اهل الحي---قالوا ساءت اخلاقه ورحل من ذلك الحيني

قالوا فيك وقالو افيك وقالوا فيك وقالوا فيك---وانا ما اسمع وحكي الناس احسه كان يعنيني

على كثر الكلام الي يجيني ما ظننت السوء---وانا يا كيف اظن السوء وانت كبير في عيني

رحت وضيقت حلت في صدري والقدر مكتوب---وانا والله لايمكن في يوم اشك في ديني

لو ان الضيق رجال(ن) قتلته ما تركته حي---مدام انه الوحيد الي تركني افرك ايديني

نهاية رحلتي عودت وغيثن قام يتســـــــــاقط---يحسسني وانا ضايق بان الغيم تبكينـــي


الشبواني