أثرك بقلبي من البارح وأنـا أستعجلـك ,, روائع مساعد الرشيدي
 

الشاعر مساعد الرشيدي شاعر استثنائي بكل ما تحمله هذه الكلمة من دلاله
فقد أستطاع أن يطرح نفسه شاعراً مختلفاً ومتميزاً معنىً ومجازاً
أخذ بيد الشعر الشعبي إلى آفاق جديدة ومناخات جديدة وموسيقى جديدة
وفي الوقت نفسه حافظ على أصالة المفردة والصياغة بالشكل والمضمون اللذين يحققان
المعادلة الأصعب : الأصالة والتجديد والمعاصرة
تجد في شعره عبق الماضي بخيله وأبله ونخيله وخلاخيله ، كما تجد زخم الحاضر بمدنيته وصخبه وفلسفته وآلياته
ولعل أهم ما يميز مساعد قدرته على رؤية شعرية جميلة تلتصق التصاقاً حميمياً بالزمان والمكان
لهذا كله أصبح الشاعر نجماً يتلألأ في سماء الشعر
وإليكم مجموعة من بعض أجمل قصائده : -
يا بوي
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] يا بوي لا يلحقـك شـكٍ ولا ريـب=أنفض هجوسك وأرفع الراس عالي
أنا شبابك لا غـزا راسـك الشيـب=وأنا عضيـدك لـو تجـور الليالـي
أي والله أبشر يا راعي الطيب=بالطيبوالله لـأسدك لو يضيـق المجالـي
آمر وتحت أمرك تهـون المطاليـ=بإنخـا وتلقانـي قـريـبٍ مـوالـي
أجيك كلّي ما خشيـت المصاعيـب=لا طبت تكفا يـا يبـه طـاب فالـي
إن عاش راسي يا عزيز المجاذيـب=لـأشيل حملك لو يفـوق احتمالـي
واطفي ظماك إن حتربّن المشاريـب=وأسقيك من زنـدي قـراحٍ زلالـي
ولا يهمـك يـا كريـم المواجيـب=يفداك حالـي يـا يبـه والحلالـي
أبشر وذيبك يا رفيع الشـرف ذيـب=يـا أبـوي دام تشوفنـي لا تبالـي[/poem]
*-*-*-*
قيض المسافة
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] على غير عادتها تخيل العيـون بـروق=تكاشح على جفن الزمن والزمن غافـي
تشّره على جِرد الفيافي حزيـن المـوق=تذوب الخطاوي مـا تطاولـت ميقافـي
متى تصحى الدنيا متى يا زمان تفـوق=متى ترخي الغيمة هدبها علـى أكتافـي
متى تكسر الخطوه مداها وأهد الطـوق=وأسوق الدروب لفجرها والقـدم وافـي
أنا يا الليالي ما لبست النهـار شقـوق=لو إن الرجا جذعٍ على جـال ميهافـي
أنا اللي رعى قيظ المسافة وفا وعقوق=حضنت السحابة والعطش بلّـل أطرافـي
زبنت الغمام وهزنـي للقصايـد شـوق=نحـرت الخيـال ولا تنشـدت عرّافـي
أذب الهجيني وأرفع الصوت بالطـاروق=على هجعة الموجه سرى ليل مجدافـي
هلا يا القصايد وكل عينٍ وعدها فـوق=لقيتك خويي ساعة الضيـق و سنافـي
ينوش السما ظلك تلج بثـراك عـروق=تقوم الهقاوي طولها والمـدى ضافـي
هلا يا القصايد الّيا انتخى بك رفيع الذوق=تهاما على صدر أبيض الطرس رعافـي
سقاك البدر قمرا سريت ولحقت لحـوق=وأنا خابرك لمصافـح النـور ميلافـي
لك القاع غيمه والسما لك نخل وعذوق=لك الكون مسرى بين مشتى ومصيافـي
تمرّا بوجه السالفه لـو تجـف حلـوق=تخاف القلوب وطيّب الشعر مـا خافـي
تسامى .. تسامى لليالي عليك حقـوق=ما دامك على وضح النقا ما بك خلافـي
فدتك القلوب المظلمه لو تجـف حلـوق=نساها البياض وقام يسفى بها السافـي[/poem]
*-*-*-*
سيف العشق
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] كيف أطفي الريح بثيابك وكيف أشعلـك=كيف أنتثر على جمرك وكيف أحتويـك
نقضت ليل الحرير وجيت ما أنت لـهلك=سميّت باللي فتني بـك وقلـت ابتديـك
هذا أول الدرب أو هذا الطريـق أولـك=جيت أتوقّا عذابـات المـدى وأهتديـك
شوقي مسافه وهمساتك مـدار وفلـك=إن ما ظميتك غلا يا علّني ما ارتويـك
أيه أعرفك وأعرف إني من غلاك أجهلك=مرات أضمك وأخاف إني مشبه عليـك
مرات أشوفك بنفس الوقـت وأتخيلـك=وأنشد كفوفي عن آخر سالفه من يديك
أعن لك لـو تصـب المـوت وأتهيلـك=وأجوع لك وأتمنى خنجـرك وأشتهيـك
ما قلت لك عمر سيف العشق ما يقتلك=ما تشوفني حي قدّامك وأنا أموت فيـك
اشتقت لك قبل أجيك وجيت واشتقت لك=البارحه طول ليلي بيـن هـذي وذيـك
مليت جمر انتظارك واستحيـت أسألـك=واحتسبتني ما بعد جيتك وفكرت أجيـك
أثرك بقلبي من البارح وأنـا أستعجلـك=وأثري نسيتك من الفرحه وقمت أحتريك[/poem]
*-*-*-*-
عين تشربك شوف
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] بين فرحة لقـاك وهـم فرقـاك=لا تذكـرت جـرح ولا نسيـتـك
حي ها الشوف لا تنمـل دنيـاك=شف سواة العيـن إليـا لقيتـك
عين تشربك شوف وعين تظماك=لا ذبحنـي ظمـاك ولا رويتـك
قمت أتخيلك هنا و هناك وهنـاك=وين ما ترحل بي النظره نصيتـك
إن تبسمت قلت الموعد اشفـاك=وإن تمنعـت بأنفاسـي دعيتـك
وإن طلبت الغلا قلت الغلا جـاك=وإن سكنت الخفوق البيت بيتـك
وإن نثرت القصيد بدرب لامـاك=ذاع صيت القصيـد وذاع صيتـك
يا رجا العمر لو حفتك الأشـواك=ليتك أول طريـق القلـب ليتـك
ودع القلب كـفٍ ضـم يمنـاك=وصافح الود قلبـي يـوم جيتـك
حي ها الشوف رغم هموم فرقاك=لو تناسيت جرحي مـا نسيتـك[/poem]*-*-*-*-*
الكلمتين اللي على بالي
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] على كثر الكلام وكثر ما قبـل الكـلام جـروح=سكت وما لقيت الكلمتيـن اللـي علـى بالـي
أخاف إن قلتها وإن قلتها وإن قلتهـا بوضـوح=توسِّدني ملامـات الرفيـق وشرهـة الغالـي
كذوبه يا الهجوس اللي على الخاطر تجي وتروح=بغيت أزيّـن ذراهـا وأستريـح ومـا تهيالـي
ورحت أتلي شتاتي وأترجّى صوتـي المبحـوح=تموج بي الدروب ومسنّدٍ كفـي علـى ظلالـي
عسى ما انتي رجايه يا بروقٍ في سماي تلـوح=يشرّهبني رعدهـا والظمـا بالصـدر همالـي
نقلت جروح ما أعرفها بقلبٍ مرهـفٍ مجـروح=تنطّحـت البيـاض وسـوّد الله وجـه عذالـي
ولو طالت بي الحروه وبانـت للمـلام شبـوح=نهض شوفي جناحه واستبان المرقـب العالـي
ولو خان الشفق مرّه ومـرّه طيـره المذبـوح=بقى وكره على جباه النجـوم المرقبـه خالـي
يسامحني رفيقٍ كل ما أخطى قلت له مسمـوح=على كبر الهقاوي من رفيقـي مرخـي حبالـي
ما هوب ذنب الوفا اللي شذاها بالجميـل يفـوح=إلى من صافحت بعض الردى في بعض الأحوالي
على كثر الكلام وكثر غيضي ما نويـت آبـوح=عساها ما تعود الكلمتيـن اللـي علـى بالـي[/poem]*-*-*-*-*
هبت شمال
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] هبت شمال وساقـت الوبـل هتّـان=قالوا روى قلب العطش قلـت للّـه
توه يبل الريق من ريـق الأمـزان=قلـبٍ تفـيّـا غيـمـةٍ مستهـلّـه
ودي تفيض بفاتر الصـوت غـدران=نقع المطر يرفا عـن الكيـد غلّـه
حي الغلا بشفاك يا عطر الأشجـان=قل للغرير اللي نهى القلب قـل لّـه
طاح الربيع ووردت جرد الأغصـان=عشب القلوب مصافح الخـل خلّـه
نش السراب وحادي الغيـم نشـوان=هيّض غنـاه معانـق الـورد طلّـه
من فرحتك شابت نواطير الأحـزان=وبجيتك خـان أسـود الهـم ظلّـه
هجّ الظلام وسال في حجر الأعيـان=ضّـيٍ تزفّـه عــزةٍ مسفهـلّـه
لك من هنل لآخر تفاصيل الأزمـان=عشـقٍ تمـده راحـةٍ مـا تملّـه
واليّا لفحك القيظ باطـراف الأجفـان=خذ نصف قلبي .. لا .. خذ القلب كلّه
لا تستذير معانـد الشـوق غلطـان=الله عطـاك أمـر الخفـوق وتولّـه
أحيان أسوق العمر وتسوقه أحيـان=بينـي وبينـك دِق عمـري وجلّـه
نمسي على جـال المقاديـر خـلان=نصبح ومرباع الغـلا فـي محلّـه
ما أعاتبك لو ساهي الرمش كسلان=القـا العـزا بمـزاح شَعـرٍ تفلّـه
هاك القصيد .. تفجر العشق بركـان=خذ من سناه وبـارد الحـرف خلّـه
ياعل شعرٍ ما أنـت قافـه والأوزان=تصدا عليـه شهورهـن والأهلّـه[/poem]
*-*-*-*-*
يا طير
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] حزين من الشتا ولا حزين من الظما يا طير=دخيل الريشتين اللي تضفك حل عـن عينـي
دخيل الما وملح الما وحزن الما قبل ماتطير=تهيا للهبوب اللي تصافـق فـي شراينيـن
دخيل الغصن والظل الهزيل وهفهفات اعصير=دخيلك لا تشح بنجمتـي والليـل ممسينـي
ترفرف يا فقير الريش ضيقه والنهار اقصير=علامك كل ما ليّل جناحـك جيـت سارينـي
أنا ماني بخير وجيت يمي وأنت ما أنت بخير=وأنا يا طيـر فـي الهجـاد اللـي مكفينـي
ترى لو شفت لي ظل ومهابه في عيون الغير=ترى كل الزّهاب اللي معي جرحي وسكينـي[/poem]
*-*-*-*-*
طفله
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] هات من جمرها وشوي من كاسها=ضحكتك طفلةٍ مرفوع عنها العتب
طفلةٍ تسهـر الغيمـه بكرّاسهـا=ترسم النجمه اللي غافيه بالهـدب
خلها تقلب أيامـي علـى راسهـا=ليتها ما تمـل ولا يجيهـا التعـب
خلها بالضلوع تشـب مرواسهـا=القصايد تبي دافـع قـوي وسبـب
كل ما جا يزخ العطـر نسناسهـا=ثوبها من رذاذ وشالها من قصـب
خبني بين حد الصحـو ونعاسهـا=لحظةٍ فارهه لين اتساقـط رطـب
لحظةٍ باذخه تذبحـك باحساسهـا=كنها تبعدك عنـي وهـي تقتـرب
هاتها يا بعد عمري .. بعد ناسهـا=ضحكةٍ ما ربت بشفاك ما تنحسب
عاد لي ريّـع النعنـاع بانفاسهـا=لعنبو شعرٍ ذاك الوقت مـا ينكتـب[/poem]*-*-*-*-*
تعبت
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] تعبت من القصيد من الجروح مـن انتظـارٍ طـال=تعبت أستقبل طعون الزمن وأربـت علـى كتفـه
تعبت من الكلام .. من السكوت اللي بهـد الحـال=تعبت أكثر من الحزن الـذي مـا ينتهـي عزفـه
تعبت من الوعود من الصديـق الطيّـب المحتـال=تعبت أعرف كل اللـي تعـرف النـاس بالصدفـه
تعبت من العدو اللي عجـز يدخـل معـي بقتـال=تعبت من الظـلام اللـي قتلـت ولا لقـى حتفـه
تعبت أسأل من المخطـي ؟ تعبـت أردد المـوال=ما دامك ما سقيت الزرع مالك حـق فـي قطفـه
تعبت ألقى الجواب المقنع اللي مـا عليـه جـدال=تعبت القـى طريـق مـا يكـون بآخـره شتفـه
تعبت أضفي على الصوت الحبيبة وردتين وشـال=تعبت أسمع صدى شامت يـردد طاحـت الغدفـه
تعبت أغازل البسمـه علـى ثغـر البكـا تختـال=تعبت أشوف شوفـي ينهـزم رغـمٍ علـى أنفـه
تعبـت أجامـل أيامـي ولـو ورتنـي الأهـوال=تعبت أقول عن حمـلٍ ثقيـل أتفـه مـن الأتفـه
تعبت أهز راسي غيظ وألقـى فـي يـدي أغـلال=تعبت أسير خلف الوهم لو غيري ركـض خلفـه
تعبت أشد وأنزل مـا ظهـر لـي طيّـب المنـزال=تعبت من الدروب اللـي مشيـت وكلهـا صلفـه
تعبت أرسم حروفي في شمس وألمح بالوجيه ظلالب=عض ناسٍ تعرف النور بس تقـول مـا تعرفـه
تعبت وقلت كـل اللـي أظنـه يـا فهـد ينقـال=تعبت أبغى ألقـط أنفاسـي إذا لابـد مـن وقفـه[/poem]*-*-*-*-*
بحت ناي
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] تشاورنا على الفي البعيد وقلت : ويـش الـراي=وتهادت من عيونك ضحكـةٍ مـا نيـب ناسيهـا
أنا أشهد بالعيون المرجهنّه غير أجيـك أقصـاي=نحيـلٍ طاولتـه جبـال همـه وأنتخـا فيـهـا
أنا أشهد لـأقطفك ورد وقصايد وأنثـرك بغنـاي=علـى فـال الهبـوب وكـل ذعـذاعٍ يغنيـهـا
أنا أعرف كيف ينساق البحـر كلـه لبحـة نـاي=وأنا أعرف من هي اللي تقتل أشعـاري وتحييهـا
إذا ما ارضي غرورك لا كتبتـك تنكسـر يمنـاي=وربك ما تخـون القـوس هقـوة كـف باريهـا
يا ليتك تشعلي صمت الدروب وتشعليـن خطـاي=وأضم الصدفـه اللـي جمعتنـا حيـل وأغليهـا
يا ليتك تسكبيني كل ما أظما فـي كفوفـك مـاي=وأصير الغيمـه اللـي كنـت بكفوفـك مخبيهـا
وأهلّي بالنهار اللـي لفـا بـك والنهـار الجـاي=وأجرب كيف أمـوت بضحكتـك وأحيـا بتاليهـا
يا ملحك في حشاي وبالعيون وبارتجـاف شفـاي=وأنـا قلبـي تخونـه هيبـة الجيّـه وطاريـهـا
أنـا سيـد هـواك وقلـت مـرّه للهدب مـولاي=دريـت إنـي رهينـك يـا عيـونٍ عـز واليهـا
وطن عمري عيونك ديرتي .. ربعي .. هلي منفاي=حلال إن غرّبتّنـي ضحكـةٍ مـا نيـب ناسيهـا[/poem]
*-*-*-*-*
كبوة حصان
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] لا عاد تنشدني مـا بقـى عنـدي علـوم=كـل العـلـوم المبطـيـات تخبـرهـا
ما جيتك أشكـي ميلـة الوقـت مزحـوم=نفسي ليّا ضـاق المـدى مـا اخسرهـا
با صاحبي كنت أمس .. كنت أمس محشوم=واليـوم هِــج بجيـتـك واختصـرهـا
خلـك بعيـد أبعـد مـن العـام لليـوم=وأدنـى مـن أحـلام النجـوم وقمرهـا
بعـض الكـلام اللـي تحليـه مسمـوم=ومـا كـل كـفٍ صافحـتـك تغـدرهـا
كـم طيـبٍ ساقتـه الأقـدار لـرخـوم=ويا كثـر نـاسٍ تنخـدع فـي صورهـا
والحر مـا يشـره علـى خنعـة البـوم=الله رفــع شـانـه ووطــا قـدرهـا
لو جيتني كنـك علـى الوجـه ملطـوم=بعـض الخطايـا عذرهـا مـا غفرهـا
عندي تسـاوت هرجـة العـذر واللـوم=هذيـك مـا أبغاهـا وذيـك أحتقـرهـا
زلّة وعـدّت مـا حدتنـي عـن النـوم=مــرّت ســلام وبـعّـد الله كـدرهـا
أنـا أعتبرهـا كبـوة حصـان ويـقـوم=وأنـت أعبـرهـا زي مــا تعتبـرهـا[/poem]*-*-*-*
الشاعر / مساعد الرشيدي
دمتم في حفظ الرحمن،،،،
أخوكم / جريح خوره
منقول للامانه

تسلم الايادي على هذه القصائد الاكثر من رائعه

ادام الله عطائك

عساك ع القوة

هلا جرح
منوور يا غالي

لك مني كل الشكر