|
عاااجل نرجوو تعميم الرساله لاخينا بارك الله فيكم
انا اسمي سفر سلطان آخر سنه في كلية العماره والتخطيط بجامعة الملك سعود في الرياض بالنسبة لعيال كليتنا او اللي يدرسون نفس التخصص يعرفون انه في كليتنا.. كل ترم في تصميم ولما تتخرج تقدم على الشركات تصاميمك طبعا حالتي مثل معظم الشباب يسلم للدكاتره النسخه النهائية من المشروع عبارة عن صور ونحتفظ في الملفات الأصل معنا ,, الله قدر انه يوم السبت الموافق 8 / 2/ 1431هـ إني (آخذ الجمل بما حمل) من هارديسك ولاب تب عشان اروح للكلية الصباح واسلم الشغل النهائي للدكتور وبعدها طلعت اسوي كم شغله خاصه في مكتب اشتغل معه بعدين طلعت مع اخويااي حوول الكلية وطبعا من الظهر و الأب تب في شنطة السيارة مقفل عليه والسيارة ( جيب مظلله ) المهم .. بعد ما طلعت بساعه حصلت السياره مكسور الزجاج الايمن الخلفي ومشيوله الشنطه من الخلف . اللي سرقها الحمد لله ما سرق الكامره اللي في الدرج الامامي .. لكن المشكله انه سرق حياتي كلها الشنطه فيها كل شي املكه ( فيها صور اهلي ومشاريع خمس سنين وغير ملفات أخرى من خطابات لا تقل اهمية عن المشاريع ) ما ابي اطول عليكم لكن ابي طلبي ان الرسله ما توقف عند احد .. يمكن توصل لواحد اشترى لاب تبي الان من الحراج او أي مكان .. يصير اشتريه منه وارجع ملفاتي بطريقتي حتى لو تم حذفها .. تكفون يا شباب الواحد منكم يحط نفسه في مكاني الله لا يوريكم زي موقفي يا رب .. على العموم هذا السريال ( رقم الجهاز ) Serial (S) CNF9244T23 Product NZ342EA الجهاز اسود HP والله ان المعلومات عندي تسوى الجهاز 20 مره .. وهذا رقمي 00000000 الايميل 00000000000 00000000000 تكفون يا اهل الخير لا توقف الرساله يمكن توصل لاحد يعرف عنه شئ والله عمري ما سرقت احد ولا عمري نصبت على احد بشئ ما ازكي نفسي بس أتعامل بأمانة اللهم يا جامع الناس في يوم لا ريب فيه اجمعني بضالتي يا رب .. اقل شي ادعو لي تكفوووووووون والله ودي أموت من القهر لكن الحمد لله على كل حال والسلام خير الختام ارسلوا الرسالة عبر البريد الاكتروني لاصدقاءك |
الله يكوون في عوونك وان شاء الله
يتم تعميم هذه الرساله لعل احد يعرف شي عن ماسرق ويتم تبليغك ربي يحفظك |
لا حول ولا قوة الا بالله العلي العظيم
نسأل الله ان يكون لك بالعون وابشر اخي سنقوم بما نستطيع لعل الله ان يُعيد لك ما أُخذ منك وللعلم تم تعديل الرساله اخي بعد الاحتفاظ بنسخه منها كما كتبتها وذلك لان قوانين المنتدى كما تعلم لا تسمح بارقام الهواتف او الايميلات في المواضيع او الردود وفقنا الله واياك الى كل خير |
الرقم ممكن تحذفه ياجريح
اما الأيميل المفروض ماتحذفه كيف تبغا احد يتواصل معه لو عرف شي الأيميل عادي ولا ماتشوفونه في التواقيع وخاصه في مسأله مهمه زي هاذي لابد ان نفرق في زي هاذي المسائل |
لو كنت قرأت ردي جيدا اخي نسر لاستطعت الوصول الى الايميل
وكان من المفروض ان هذا يتم عن طريقك لانك اول الواصلين للموضوع والحذف تم تماشيا مع قوانين المنتدى ويوجد هناك شيء اسمه رسائل خاصه اخي ستفي بالغرض اذا لزم الامر كل الود |
اسال الله ان يعد لك ما فقت
ولا حولا ولاقو الى بالله |
والله ضحكتووني وانا مالي نفس للضحك بالله من جدكم مريتوا على الموضوع وطالعتوة صح ام لا وهل تعرفون قوانين المنتدى وكيف تتطبق ومتى تتطبق يااخواني انا متاكد ان ماعندكم سالفة بدون زعل وتحملوها بروح رياضية شوفوا عنوان الموضوع وش يقول خاصة الاحمر العنوان عاااجل نرجوو تعميم الرساله لاخينا بارك الله فيكم قال لاخينا يعني الموضوع طرحة الاخ نبض القلوب لصاحبة او صاحب صاحبة او واحد من الوطن العربي ليس هو المقصود نبض القلوب فهنا لازم ان ترجعوا الارقام والايميلات لاجل اذا حد عرف عن السالفة شي يتواصل من خلالها او اذا واحد بيرسلها عبر البريد الاكتروني لاصدقاءة لان اخر الموضوع يطلب ارسالها للاصدقاء فكيف اذا حد بيرسلها لاصدقاءة ومافيها عناوين فلازم ترجع الارقام والايميلات لانها ضرورية والموضوع مهم يستحق الاخ نبض نشكرة على طرحة اما قوانين المنتدى مافي قانون في المنتدى او مادة تمنع طرح العناوين او الهواتف في مثل هذة الحالة اذا وجدنا ممنوع طرح الماسنجر فقدها في التواقيع اما تلفون شي عادي تطرحة لانة لرجل وليس لحرمة باتعاكسها اعقلوا وخلوكم تركزون صح مع الموضوع لانكم اعضاء في الادارة والمراقبة مايبي حد يعلمكم ولاكيف تم تعينكم او بالعمالة تم تعينكم تحملوها بروح رياضية من الوطني الرجاء اعادة الموضوع كما نزل او يحذف بامر من الوطني اخلص التحايا استاذي نبض القلوب جزاك الله الف خير على المجهود اخلص التحايا |
حياك الله اخوي نبض القلوب والله يكون في عون الاخ سفر سلطان الذي يدرس آخر سنه في كلية العماره والتخطيط بجامعة الملك سعود في الرياض طالما ان عندك رقم السيرل تبع الجهاز عليك ان تعمم عليه في حراجات الكممبيوتر ومحلات بيع المستعمل وتعطيهم معلومات الجهاز وتشرح ان المشكله هي المعلومت اللي بداخل الجهاز وانه لا يهم الا المعلومات وان بامكانك دفع قيمته مره اخرى بدون اي مسؤليه على المشتري هنا ممكن تجد االجهاز وممكن ايضا يتم التعرف عى السارق وانت وحظك يعني الله يكون في عونك اخي وحسبنا الله ونعم الوكيل على كل سارق وحرامي الله يفرج همك ويسر امرك |
قد قلنا لجريح لكن الظاهر انه ماشاف العنوان
|
والله للاسف
نشوف ابسط الامرو تتحول الى خلافات لا ندري متى با تعقلون يا اهل خورة واذا تميتوا على هذه الحاله على الدنيا السلام الامر بسيط تم تعديل بسيط بالموضوع وانتهى امره ولكن بصراحه شيء عجيب نسال الله ان يكون عون للاخ سفر سلطان ويعيد له ما راح منه وانتبهوا يا شباب ترو الامر خطير جد خطير |
| أ‡أ،أ“أ‡أڑأ‰ أ‡أ،أ‚أ¤ 03:04 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir