ترى مانته بشاعر لابغيت الحق ياشعرور
 

بسم الله الرحمن الرحيم
السلام عليكم ورحمة الله وبركاته
لاعاد حد هنا شعار بايفهمون
اليكم القصيده وبدون مقدمات

والا ياللي تناديني ولكنك بدون شعور
_____ تراني عارف النيه وعارف وش ورى النيه
.
توقٌع زين بالله وانتبه لاتقرب المحذور
_____ ترانا لانوينا.. نلحق الكيه ورى الكيه
.
الا وش هو يجيبك في مقام الصقر ياعصفور
_________نبت لك ريش لكن .. مانشوفك شي موليه
.
ترى مانته بشاعر لابغيت الحق ياشعرور
_____ سواليفك سوالف عجر ماتشقي معاليه
.
انا ماهمني مثلك ولو شكلت لك طابور
_____ تركد ياعميلي لا تغااادر خارج الفيه
.
ترى صوت الهبايب مايحرك شي في ميقور
______ تهقوا تنسف الضلعان وانته معك طبليه !!!!
.
تركد لاتهقوا وانت ماتملك ولو قذمور
_____ ترانا لازعلنا... غير نطفي نارك الحيه
.
ترى ماصار لك شعبيه ولاصار لك جمهور
_______ تشوت الكوره وترجع دبل كيك ومقصيه
.
والاياراعي البندق تراها بطنها مسحور
_________ هدفها ماتصيبه لو تحاوول فيه حوليه
.
عميلي .. شوف زر الثوب عندك ماهو بمزرور
__________ نصيحه زر ثوبك قبل... لاينزر جبريه
.
ولاتخطي على العالم ليا شفت الجزيل يدور
___________ تراها ياخبل.. تاتيك مربوعه ومثنيه
.
قبل ماختم ... تراني ما ابتلش فالعمي ويا العور
______ اناولهم طرف ويسدهم مني .... لو شويه

للامانه منقوله لما تحمل من مضمون وجمال
تحيات عاشق تراب الوطن

صح لسان قائلها ومشكوور اخي ع النقل

ود صققققققققر

صح لسان قايلها
و تسلم ايد ناقلها
ما قصرت اخوي عاشق تراب الوطن
طرح في قمة الروعه
ربي يحفظك
و نتظر الزود منك
لا عدمنا يديدك

قووووووووووية والله قوية
تسلم يا عاشق
والله يعين اعيون سامر على النور
تحياتي الك
المجروح من حبيب الروح

سلمت يمينك عاشق عالابيات
ولو اني مافهمتها كويس
كلماتها شوية غريبه

يعطيك العافية ولاعدمناك
لاتحرمنا جديدك

ودي ^^

صح لسان قايلها وسلم قلمك على النقل الرائع

والله روعه تسلم

تقبل مرووررررري