|
في خاطري كلام بقوله
السلام عليكم و رحمة الله و بركاته
اخواني و خواتي اهل بيتنا خوره ما بسميه منتدى لانه هو صدق البيت الي يجمعنا .. اخباركم و علومك عساكم بخير ... بغيت ابدأ اليوم و اقول الكم كلام دار في خاطري اسمحولي على الاسلوب الي بكت به انا بكت و كاني قاعده ارمسكم ( اكلمكم ) , يعني ما بتفنن و بستخدم حلاوة التعبير و مهاراتها , تعرفون ليش لانه الي على القلب على السان و عشان يوصل لقلوبكم بسلام و تفهمونه .. تعرفون انا في الفتره الاخيره حسيت بفقدان ناس وااااااااااايد في حياتي , و الله الانسان منا ما يحس بهالشخص الى يوم انه يفقده , معنه هالشخص كان وياك ( معاك ) طول هالسنين و يت(جت) فتره و ابتعدت عنه, بالله عليكم شو تقولون في خواطركم ... انا عن نفس اندم اني ما قضية الوقت مع هالشخص اندم لاني ما كنت قريبه منه حيل ,,مثلا امي فديتها و فديت قلبها كنت اربع و عشرين ساعه وياها صح كنت اصحى الصباح ابوس راسها و اساعدها في شغل البيت و اقعد معها , بس ما كنت اقعد وايد كله كنت على المنتدى , اشارك و اسولف و العب , و امي كانت بروحها .. يعني شو بيصير لو خليت نص هالوقت الها و قعدت اضحك معها و اخذ شوي من حنانها و ارسم البسمه على شفاها .. و الله ما بيصير شيء , و فديتها امي موجوده بعده ربي يحفظها , و يطول بعمرها و يديم الصحه عليها .. بس تعرفون منو فقدت ؟؟؟ فقدت الي رحل من على هالدنيه شخص كان يحبني يمسح الدمع لنزل على الخد يقاسمن الاكل و لو كان جوعان ,,فقدت هالشخص ودي يرجع و احضنه ابوسه و اقوله سامحني على كل خطاء سويته ,,سامحني اذا فيوم ما سمعت كلامك سامحني اذا في يوم زعلتك .. ادري كنت طفله و ما كنت اسمع الكلام ..كنت توني بديت افهم الحياه ,, و الله محد حسيته مثل هالشخص ,, صح ناس وايد يحبوني و يمكن حبهم فاق حب هالشخص لي , و يسون المستحيل لجل ابتسم و اضحك و اكون مرتاحه ,, بس بيضل هو غير غير عن كل البشر ,,هو حبني في وقت الناس كرهتني ,, هو علمني في وقت انا كنت بحاجه لمن يعلمني و يوجهني في دوامت هالحياه , هو مدني بالحنان و بالحب و عيشني طفولتي ,,,, و الله اني افتقده حييييييييييييييييييييييييل حيييييييييييييييييييييييييييييل من الخاطر ودي الحين يرجع و احضنه و اضل حاضنته لين اموت ما اتركه اعطيه عيوني و روحي و كل الي يبه بس يرد يوم.... ساعه.... دقيقه... ثانيه .... بس هذا مستحيل لانه خلاص رحل , رحل من عالمنى رحل لعالم ثاني علم في يواجه ربه ... اكيد الكل يسال منو هالشخص الي تحبه عاشقة الخيل ,, لا يروح فكركم بعيد هالشخص امي الثانيه امي الي ما ولدتني يدتي ( جدتي ) الله يرحم روحى و يغفر ذنببه ( طلبتكم الي يقراء الموضوع يقرأء الفاتحه على روحها) ... المهم اخواني ,, الي في خاطري ما ابيه يكون في خواطركم كون جنب الي تحبونهم عطوهم كل الي عندكم عشان ما يجي يوم و تندم انك ما سويت هالشيء لهذا الشخص .. و الله هالشعور ما حلو انك تحس انك كنت مقصر في حق شخص و ما تقدر تعطيه شعور يتعب.. خواني ..خواتي .. اهل بيتي الثاني اشكركم تحملتوني و تحملتو رمستي بس كان في خاطر هالشيء ..سمحولي على التعبير ..و سمحولي ان ضايقتكم في يوم من الايام و انا ما ادري.. اذا ما فهمتو شيء تراني حاضره و فالكم طيب بشرحه الكم و لو انه مافي شيء من الغموض .. كان هنا خاطر عاشقة الخيل |
تحياتي لك ونحن اهلك وناسك يالغاليه
جميل ورائع ماطرحتي لاعدمنااااك |
كلمات رائعة انطلقت من عاشقة الخيل
لتعبر عما يجول في خاطرها اقول لك رائعه انت في كلامك وكتاباتك وخيالك وثقافتك فهو السحر الذي يسيطر على الكون سحر الكلمات للعيون فكثر ما نقرا وقليل ما نسعد بما نقرا كلمات من الاوركيد سحر الياسمين العطر وتحيه يلقيها المدعين مع كل صباح ومساء مع اعتزازي وتقديري وادام الله المحبه بينكم |
نسر الغربه
تسلم اخوي على المرو رالعطر ربي يحفظك |
المهلهل
تسلم و الله اخوي على المرور العطر ربي يحفظك و الله احرجتني بكلام تسلم و الله نورتمتصفحي المتواضع دمت بود |
الله يرحمها ويسكنها جنات النعيم ويرحم اموات المسلمين
واشكرك اختي عشوقه على هذا التنبيه وجعله الله في ميزان حسناتك والجداوالجده فهم والديدين ويجب برهم وحسن المعامله لهم دمتي ودام ابداعك يالغاليه عاشقة الخيل |
[align=center]
الله يرحمها يارب ويسكنها الفردوس الأعلى --- إلى والدي ( رحمة الله عليه ) حبي لك يفوق حدود الوصف...يتعدى جمال ابيات الشعر... حبي لك يكبر وينمو مع كل حرف وكلمه تسمعها اذني منك... حبك لي...كاللهب اشعل جوارحي في صحراء ذاتي... فيزداد حنيني اليك وشوقي اليك...! اريدك بجانبي دائما...عندما تركتني ورحلت...بحثت عنك..احتجت اليك كثيرا.. مرت علي الليالي ثقيله..سوداء مظلمه.. اخبئ راسي في ردائك اثناء شوقي اليك.. هنا فقط.. ابكي متألم..احدثك بكلمات عتاب وشكوى... لماذا رحلت...؟!!بدوني...؟!! اسمع انفاسك..اشتم رائحة عطرك..اغفو على همساتك.. عد الي... عد الي قبل ان يغتالني الفراق.. عد الي قبل ان تضعف قوتي ويقوى وهني... عد الي.. فأنا بدونك كالمركب التي تكسرت مجادفه... عد الي.. عد الي الان واجبني...! لماذا رحـــــــــــــلــــــت بــــــــــدونــــــي...؟ See you in Heaven Dad ( وعلى فكرة أنا اخترت النك نيم دا - أمل مقتول - عشان ابويا الله يرحمو...عندي امل انو يرجع..بس للأسف الأمل دا... أمل مقتول ) تقبلي مروري ومداخلتي أ م ل مقتول [/align] |
عاشق تراب الوطن
تسلم اخوي على المرور الطيب ربي يحفظك و يسعدك دنيا و اخر دمت بود |
امل مقتول
اخوي تسلم على المرو رالنايس و كلام لامس المشاعر ربي يرحم موتانا و ملتقان ان شاء الله في جنات الفردوس ربي يحفظك و يسعدك يا اخوي دمت بخير و سعاده |
الله يرحمها ويجعل الجنة مثواها ويرحم جميع المسلمين الاحياء والاموات
يعطيج الف عافية غناتي وكلماتج ترجمت الي بخاطرج ابدعتي غناتي لاتحرمينا من قلمك الماسي دمتي بكل ود |
| أ‡أ،أ“أ‡أڑأ‰ أ‡أ،أ‚أ¤ 06:18 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir