منتديات شبكة خورة العربية - رساله صريحه من مواطن سعودي لسلطان بن فهد واعجبتني ونقلتها لكم

صباح الخير ياسلطان !

سمعت ان المنتخب السعودي عنده بصيص امل في التأهل لكاس العالم في (الملحق )

وين وعدك عندما خرجت من كأس العالم السابق عندما صرحت وقلت ( هناك خطه مدروسه لبناء منتخب منافس في كأس العالم 2010 )

كان عندك 4 سنوات لبناء منتخب ينافس بحق وحقيقه وتزرع فيهم حب الوطن ونتفاجئ من بدايه التصفيات بالمدرب ناصر الجوهر ؟

كان المفروض ياسلطان من اول تجيب مدرب عالمي قبل التصفيات بسنه للاعداد والمتابعه

تدري ياسلطان ؟؟ ملينا من كلمه ( خطط مدروسه )

يالله !!

متى تتحقق الخطط المدروسه ؟

صار لنا سنين

سمعت ان هناك خطه مدروسه لبناء ملاعب في السعوديه !

تدري ياسلطان ملينا من الصبات صرنا نطلع من الملعب وثيابنا مغبره ؟

نجلس من الساعه 3 العصر عشان نحجز مقاعد

تقدر تصبر ياسلطان

لكن تخلينا بدون ماء !! لمدة 8 ساعات في المدرجات

غير المعامله السيئه من امن الملعب ؟

سلطان ماودك تبني ملعب بدون شبك !! صرنا زي الخرفان خلف السياج

وماتدري ان بلاتر في اخر تصريح له قال يجب ازاله السياج من الملاعب في العالم اكيد راح تكون خطه مدروسه بس متى راح تتنفذ ؟

الله يصبرنا !

ابارك لك ياسلطان عقد زين وتحول الدوري بمسماه الجديد ( دوري زين للمحترفين )

كم حجم الصفقه ياسلطان ؟ 300 مليون ؟؟ ماشاء الله اكيد راح تحقق كل الخطط المدروسه في السعوديه . متى راح تبني لنا ملعب ؟

تكفى ياسلطان سلفني 20 الف بسدد اقصاد السياره وبسدد ديوني . تصدق حتى راعي البقاله يطلبني وانا رايح اصلي المسجد !

صرت هاليومين اصلي بمسجد بعيد عشان مايشوفني

وعلى طاري الفقر ياسلطان ! اليوم وانا اشوف التلفزيون شفت خبر يقولون نسبه المجاعه في العالم مليار انسان !!!

تقدر تقولي وين تروح الفلوس ياسلطان ؟؟

على طاري الفلوس ياسلطان كم وعدت الاعبين بعد مباراه كوريا ش ؟ 250 الف لكل لاعب

شكلك ماراح تسلفني !

ليه ياسلطان مازرعت في قلوب الاعبين ( حب الوطن )

اشوف لو تستغل هذا الجانب راح تغنيهم عن ملايين الدنيا كلها !

ذكرهم ان هناك 70 الف متفرج ينتضرونهم من العصر ! وبدون ماء !

تدري ياسلطان يقولون في شايب منعوه رجال الامن من الدخول في مباراه كوريا الشماليه عشان معه سجادته وجريدته ؟؟

مافكرت ان دعوة هذي الشايب مستجابه جاي من اخر الدنيا عشان يؤدي مهمه وطنيه وفي الاخير يمنعونه من الدخول

سلطان كأس القارات شخباره ؟

تتابع منتخب مصر اكيد ؟

تدري ياسلطان لاعبين منتخب مصر يلعبون من اجل سمعة بلدهم . من اجل شعار الوطن . من اجل تشريف مصر .

اما انت ياسلطان لاء . من اجل الملايين . من اجل الخطط المدروسه . من اجل الشهره وحب الذات

سلطان متى تستقيل ؟

الشعب السعودي بكل ميوله مايبيك !

تدري ياسلطان انا خلاص قررت اشجع المنتخب المصري . لاني احب الاعب الذي يحب وطنه ويخاف على سمعه وطنه

وانت علم الاعبين كيفية الحصول على الملايين عشان مباراه

وبعد 10 سنوات نتقابل ياسلطان

منقوووولــ