|
هل المهر يحدد قيمة الفتاة؟ موضوع للنقاش الجاد
كيف حالكم ؟اتمنى ان يكون الجميع بخير
في موضوع حابة آخذ رأيكم فيه. كنت وصديقتي نتحدث عن أختها التي انخطبت من جديد وقد كان من ضمن حديثنا أن تحدثنا عن المهر وقد صُدِمت بالمبلغ الذي قالته سألتها: لماذا كل هذا المبلغ؟ قالت :أختي ليست رخيصة لنطلب مبلغاً زهيداً قلت لها :لكن هذا المبلغ كبير جداً قالت: أختي تسوى أضعاف هذا المبلغ سألتها: هل المهر هو الذي يحدد قيمة الفتاة؟ قالت : بالتأكيد! صُدمت ولم أحب أن أدخل معها في نقاش كهذا لكن أريد آراءكم الآن. هل المهر يحدد قيمة الفتاة؟ وهل المهر القليل يقلل من كرامتها بين الناس وفي عين زوجها ؟ كما في قصة تعالي يا أم ريال ام يطرح بالزواج البركه كقوله صلى الله عليه وسلم في معنى الحديث ((اقلهن مهورا اكثرهن بركة)) وسؤالي إلى البنات ايضاً: هل ترضين بالمهر القليل؟ أم أن المهر القليل يجعلكِ قليلة المستوى بين الناس؟ أسئلة محيرتني وحابة أعرف أجوبتها وشكراً لكم. |
أ‡أأٹأˆأ‡أ“:
فالكثير لايستطيع الزواج من هذا السبب وهو ارتفاع المهور وكاننا في معرض للسيارات الشغله كلها مزايدات وهذا اكيد حرام وقد يؤدي الى عنوسه البنت ومن ثم الى الفتنه وقد يؤدي الى هروب الشباب والزواج من الخارج ,,,,... اما عن المهم هو من يحدد سعر البنت فهذا اكبر غلط البنت مو سلعه او شي يشترى الزواج بالنسبه للبنت ماهو الا ستر وتجنب للوقوع بالحرام والمهر القليل بالعكس لايهين كرامه البنت بل بالعكس يعكس مدى تفهم الاسره لحاله العريس المتقدم وانهم اشترو رجال يعزها ويصونها وكما قال الرسول بمعنى الحديث : من اتاكم من ترضوه دينا وخلقا فزوجوه .. ياترى هل نعصي كلام الرسول صلى الله عليه وسلم مره اخرى الف شكر لك اختي لولو ع الموضوع الرائع بانتظار جديدك .. تقبلي مروري |
والله لو تبغون السراحه
الواحد يرضى برجال مش بلفلوس هذي قصيده قالها واحد مقهور من بعض الشروط التعجيزيه على الشباب بس بصراحه حلوه ومضحكه في نفس الوقت [poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] سبحان من يرزق بتوع الملاييـن = الرازق اللي ما يخيب الرجـا بـه لي عم عنده معـرضٍ للصواليـن = أموت واعرف بس من وين جابـه وإذا سألته قـال بعـت الدكاكيـن = ما يدري إني ما هضمت الإجابـه الشاهد إني رحت له قبـل يوميـن = في قصره العامـر ودقيـت بابـه قال ارحب ارحب عدّ ورد البساتين = يا مرحبا باللـي لفـا يـا هلابـه قلت البقا عـدّ النفـل والرياحيـن = يا شيخ شمل اهل الكرم والذرابـه قال اسلم الله يحفظك لي من العين = وآمر أوامر حضرتـك مستجابـه قلت الصراحة طالبٍ قرب غاليـن = ودي تزوجنـي كريمتـك يـابـه ثنّى وقال اهليـن والله وسهليـن = والكون ترخص لجل عينك رقابـه لكن ترا عندي شـروط وقوانيـن = قلت اشرط اشرط يا حبيب الغلابـه قال أولاً مهر العروسـة ثمانيـن = غير الرسوم وغير حق العصابـه والثانية عمك يبي منـك سبعيـن = رسم الأبـوّة والنسـب والقرابـه وام العروسة حقها منـك ستيـن = عشانها ست الحسـن والمهابـه واخوانها كلن يبي منـك خمسيـن = عداً ونقـداً تنـدرج فـي حسابـه وخواتها الخمس اعطهن من ثلاثين = عشان تتوثـق عـروق النسابـه وتجيب طقم عيار واحد وعشريـن = وخاتم من الماس المصفى ترابـه واكياس متروسة كعوب وفساتيـن = ألوانهـا واشكالهـا مـا تشابـه وموتر بسواقـه وفيـلا بدوريـن = أثاثهـا مـن بطرتـه ينحكـابـه واحجز لنا قاعة بقصر السلاطيـن = واحجز بهـا رقاصتيـن وربابـه وامنع دخول اهل اللحى والبزارين = واعزم أميـر المنطقـة بالنيابـه هذي الشروط اللي على بالي الحين = وذكرني اللي ما حسبنـا حسابـه قلت اذكر الله يا عـدو المساكيـن = واستغفـره لا يبتلـيـك بعـذابـه الظاهر إنك منت عارف أنا ميـن = أنا لو ارقا فـوق متـن السحابـه ما جبت حتى نص درزن مواعيـن = واضحك بكيفك واعتبرهـا دعابـه شروطكم هذي شـروط المجانيـن = شروطكم شغـل ابتـزاز ونهابـه شروطكم تقصم ظهـور البعاريـن = شروطكـم همّـن وغـم وكآبـه شروطكم والله سيوف وسكاكيـن = تذبح بنات المجتمع مـع شبابـه وين الرضا والعطف واليسر واللين = اللي ذكرهـا الله بمحكـم كتابـه وين الصفات اللي أمرنا بها الديـن = وين اختفى نهج النبي والصحابـه يا عم جعل اللي خلقنا من الطيـن = يرد عقلك مـن خطـاه لصوابـه ويجعل نصيبي عند غيرك قل آمين = ويحسن عزا الصابر ويجزل ثوابه قال انت لو فكرت تفكير صاحيـن = ما شفت في مجمل شروطي غرابه حنا بعصـر العولمـة والمزاييـن = ماهوب عصر الفلسفة والخطابـه الناس تسعى للرتـب والنياشيـن = وانت اهتمامك بالشعـر والكتابـه والشعر ما ينفعك لو هو دواويـن = ما دام جيبك مثـل بيـت الخرابـه يا بوك لا تسمع كلام المصاخيـن = واسأل مجرب عاش في وسط غابه قلت الله اكبر يا محـرر فلسطيـن = من يسمعك يحسبك ذيـب الذيابـه تراك شايب راس مالـك رياليـن = والبنت ما تسوى جنـاح الذبابـه قال انقلع مالت على وجهك الشين = لا عاد اشوفـك عندنـا يالزلابـه قلت ابشر ابشر لكن الباب من وين = واقفيت من عنده على صوت بابـه[/[/poem] هذا عند غيرنا لحنا الحمد لله اذا كثر كثر المهر فهو 30 الف سعودي اما عند بعض قبئل المنطقه فهو والله ميسر مايوصل حتى 15 الف سعودي الحمد لله تتفوات اسعار الزواج مع سعر الذهب تحياتي لكم اخواني |
الاخت كاتبة الموضوع لك تحية اخوية موضوع في محلة ويستحق النقاش
أ‡أأٹأˆأ‡أ“:
ليس المهر يحدد قيمة الفتاة قيمة الفتاة هي اخلاقها قبل كل شي كلما كانت الاخلاق عندها رفيعة كانت قيمتها اغلى ومكانتها فوق أ‡أأٹأˆأ‡أ“:
للعلم انا تزوجت وطلب ابو الزوجة مهر بنتة مبلغ لايتجاوز عشرون ريال سعودي ولكن هي عندي اغلى من كنوز الارض وبهذا المبلغ اللي طلب مني اصبحت عادني اشل لها ولاهلها احترام اكثر واكثر أ‡أأٹأˆأ‡أ“:
وكلما كان المهر قليل كانت هناك البركة والحب والتضحية اما المهر الكثير للبنت يعتبرها الزوج انها بضاعه اشتراها من ابوها دفع فيها مبلغ غالي وكسب هذة البضاعة بهذا المبلغ وتكثر المشاكل بعد الزواج لان الزوج يتغرق في الديون بسبب هذا المهر حتى في نظرة ان زوجتة اشتراها كالبضاعة تحية للكاتب صمت الفراق |
مشكوووره على اهتمامكم بالموضوع لاني بصرااحه حسيت انو الناس دحين بس يتكلمو عن المهر وفلانه مهرها كدا وفلانه مهرها كده ولقيت هدا الموضوع وحبيت اوصلو لكم وسبحان الله هدا الموضوع لقيتو في اكثر من مجله واكثر من منتدى واكيد الكل تكلم عنو لانو موضوع العصر
|
[align=center]مأعتقد بس ارتفاع المهر شي طبيعي لإن الزواج موسهل زي ماكان أول[/align]
|
هل المهر هو الذي يحدد قيمة الفتاة؟
لا ولكن الذي يحدد مهرها ان تكون خلوقة ومحترمه اوضح أكثر ( ماتعرف النفاق ولا اللف والدوران ولا تعرف الفتنه بين الناس وقليلة البلبلة ولاتحب الغيبه والنميمة وغيرها من هذا القبيل ) وتكون شريفة بس الله يهدي بعض الآبا هذه ليام قصدة الفلوس مايفكر في ها البنت المسكينة هل المهر يحدد قيمة الفتاة؟ لا البنت هي التي تفرض نفسها وتحدد قيمة نفسها وهل المهر القليل يقلل من كرامتها بين الناس وفي عين زوجها ؟ لا مايقلل من قيمتها أبد والزواج يكون مبارك اي تكون فيه بركة |
أ‡أأٹأˆأ‡أ“:
وبكل صراحة انا ما ازيد ع كلام اخوي وحيد بغربتي تقريبا تكلم عن الموضوع باختصار وشمل كل النقاط |
| أ‡أ،أ“أ‡أڑأ‰ أ‡أ،أ‚أ¤ 11:11 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir