|
طلبات النساء بترتيب الحروف الهجائية
هذه طلبات الحريم بحروف الهجاء أ ........ أبي فلوس معزومة على حفلة شاي بالضحى ب .......بكرة توديني بيت أهلي عندهم عزيمة ت ....... ترى اليوم ماني مسوية عشاء رح المطعم وجب عشاء ث ....... ثلاث أسابيع ما طلعنا .... اليوم ودنا الملاهي ج ...... جيب خدامة تساعدني بشغل البيت <<<<<< (والبيت نص شقة شوف القهر) ح ......حبيبي.... ودي بساعة نينا ريتشي مليت من ساعة جيفنشي ( آه من نفاق الحريم توها متذكرة الحب) خ ..... خل عنك ربعك اليوم... أنا عازمتك على (العشاء.... بس أنت تدفع الحساب ... (قوييية) د ...... دور لنا فلة على ثلاث شوارع وفيها مسبح ذ ...... ذيك السنة...( قبل عشر سنوات)... قلت لك اشتر سيارة فان أوسع لنا وإلى الآن ماشريت.. ر ......رح قدم على اجازة خلنا نسافر لفرنسا..... أووووف حر.. ز ..... زد مصروف البيت هذا ما يكفي أغراض البيت.... ومعظم الفلوس عليها وعلى خرابيطها... س ..... سجاد البيت صار قديييم... غيره ياأخي و (السجاد ماكمل سنة) ش ..... شيل ولدك شفه يصيح هناك أنا تعبت من العيال ص ..... صفف ملابسك شفها متنثرة في كل مكان.... مليت وأنا ألقط وراك.. ض .... ضبط أوضاعك ترى كبرت المسؤولية (توها والدة) ط ..... طالع السيارة... سكراب.... تفشل... قديمة(باختصار نبي مرسيدس حوت) ظ ..... الظاهر أنك ما تحبني ما شريت لي طقم الألماس اللي أبيه ع ..... عيوني... اليوم شفت زوجة أخوي لابسة فستان يجنن أبغى واحد زيوو غ ..... غير أسلوبك معاي.... كله برود ف ..... فديت قلبي... وين بتسفرنا هذا الصيف ق .....قدر ياأخي كل شغل البيت على راسي... تكرم وساعدني شوي... ك ..... كفاية مليت من هالبيت شوف لنا بيت أكبر ل .....لمتى بنظل محبوسين في هالبيت ما نطلع مثل خلق الله م ..... متى بتودينا كندا مثل ما وعدتني قبل ن .... نبي نحجز شاليه طوال الصيف لاتنسى هـ ....ها عاد ترى أروح بيت أهلي!! اذا أنت مو قد الزواج وتكاليفه ليش تتزوجني و .... ورني شطارتك وروح عند أخوك وخذ منه الورث <<<<< ام مشاكل>>>>>> ي ... يالله ايدك على 500000 ريال رضاوة لأنك زعلتني وكسرت خاطري.... ما ينلام والله |
ولا ارررررررررروع
|
أ‡أأٹأˆأ‡أ“:
الأروع مرورك شكراً لك |
The Thunder
حبيت أشارك بالموضوع طلبات الرجال واقوالها من الالف الى الياء أ / انتي ياهيه ..وين شماغي ... ( والمشكله الشماغ جنبه الله لا يعمينا ) ب/ بروح اكشت مع اخوي ..... (الله يلعن بليس أحد يكشت مع أخوه ) ت / تراني بتأخر اليوم .....( ماجبت شي جديد متعوده الحرمه ) ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب..يامسكينه ) ج/ جاي تعبان من الدوام ماني فاضي لك.. ( كأنه مايشتغل الا هو وما يتعب إلا هو ) ح / حريم مايجون الا بالعين الحمراء ... ( جملتهم المفضله ) خ/ خذي اولادك وفارقوا عني .. صجيتوني ( كنهم اولادها لحالها ) د / دوري احد يوديك ويجيبك ..( وانت وش شغلك ) ذ/ ذيك الصيفيه مسافرين هالسنه مافيه.. (تلاقيها ماسافرت الا من 4 سنين) ر/ راتبك مانزل ياعمري .. ( توه يجي الكلام السنع يوم نزل الراتب) ز/زيدي العشى ترى اصحابي كثروا ..( والعشاء استوى وخلص وشلون تزيده ) س/ سيارتي فاضي بنزينها وماعندي ..عندك سلف ( سلف ومايرجعه؟؟كيف تصير هذي ) ش/ شيلي الاغراض شوفيها عند الباب ( ليش ماتشيلها انت ) ص/ صديقي بيسافر برى بروح معاه ( خايف عليه يضيع والا وشلون ) ض/ ضايق صدري ..ضايق صدري ..كل مادخل للبيت ( وهو عند اصحابه ضحكه واصل للبيت ) ط/ طالق ...طالق ...طالق >>هذي ان خربت الاخلاق عاد هههههههههههه ظ/ظالمتني ياقلبي والله ماغازلت >>> فضح نفسه خخخخخخ غ/ غالي هذا ..دوري غيره ..( طيب جامل قول دوري احلى ) ف/ فلاااان تزوج على حرمته ثانيه ..( يلمح الرجال ؟؟) ق/ قومي بلا دلع ..مافيك الا العافيه ( وهي مصخنه و ذايبه من التعب ) ك/ كل كلامه هواش مااااعنده تفاهم (اللي يشوف الله ماخلق رجال الا هو) م/ معزوم في الإستراحه (عزومه و عزومه اللي كلها لعب بلوت ) ن/ ناااااادرا ماايشكرها على شي سوته (مسكينه وربي ) هـ / هيه ..انتي >طبعا هذا اسمها في الاماكن العامه (خوش اسم) عاد اذا قال هي انتي كل الحريم تدور له وش هالفشيله ويا هالرجال هههههههههه المفروض يرقموها هي انتي واحد وهي انتي 2 و..... هههههههههههه ل/ ليش ماتسمني شوي ..وان سمنت قال ..وليش ماتنحفي يادبه ( خير هي لعبه ان رعصت زرار سمنت والا نحفت ) ي/ يااااااجمال هالمذيعه ( ياخي استح على وجهك ,, اللي جنبك قوطي ماتعبرها ) ههههههههههههههههههههههههههههههههههههههه حرااام طلبات النساء هنا دون طلبات الرجال لازم تكون مع بعض يسلمووو |
هههههههههههههههههههههه
لا حول ولا قوة الا بالله الله المستعان يسلمووووووووووو |
ههههههههههههههههههههههههههههههههههه
رنا طلباتكم ليس لها منافس شكراً لمرورك |
أ‡أأٹأˆأ‡أ“:
نورت الصفحة بتواجدك أخي شكراً لك |
| أ‡أ،أ“أ‡أڑأ‰ أ‡أ،أ‚أ¤ 08:29 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir