|
طلقها لأنه اكتشف انها شاعرة
طلقها لأنه اكتشف انها شاعرة ..قصة وقصيد
السلام عليكم ورحمة الله وبركاته .. قصة الشيخ الفارس (جديع بن منديل) حين طلّق زوجته الشاعرة (مويضي الدهلاوية) حين تغزلت به شعراً ..!!!! الشيخ الفارس جديع بن منديل بن هذال راعي الحصان **** مشهور بغزواته الكثيرة وغاراته المتالية وكان يأخذ بالغزوة 7 شهور**** وكان الشيخ جديع متزوج الشاعرة مويضي الدهلوية العجميه **** وكانت هي تحبه وتتغزل به وتفتخر بكثر معاركة وإنتصاراته على الاعداء**** وبإحدى غزواته وصلتها البشائر وهي بالرس أن زوجها القائد الفذ قد أنتصر بمغزاه . فقالت هذه القصيدة تمدح زوجها وتتغزل به وتلمح بأبيات لطيفة بإشتياقها له حتى يكف من الغزو الكثير والمسرف. قالت : ياراكب حيـل ابروسـه لجاجـه امظريـات للمـسـاري والادلاج لا روحن بالـدو كـن إنزعاجـه سفنن حداها بالبحر بعض الامواج سفن البحر سود بروسه فجاجـه وارقابهن زعاج من يبس الامواج تلفـون شيـخٍ نـازلٍ بالعجاجـه اجديع اللـي للمجاويـخ زعـاج مودع على المطران كدراً عجاجه هجيجهم من بين أبانات وسـواج خلا المريخي طايحٍ فـي مداجـه والخيل بالجبلان راحـن مـراج سلم على اللي راح للحول ماجـه وقله خويك ضايق الصدر واعلاج وقل لابن وايل كان وده ايواجـه القيض فات وبارق الوسم زعـاج حطيت لك ريش النعامه أولاجـه والبطن لك يامدبس الخيل مسهاج امي توصينـي عـن الانزلاجـه وقلبي اليا جاء طاري البدو ينفاج أمي تقـول أن التمنـي سماجـه وأقول أنا بعض التمني به أفراج وبعد ذلك رد الشيخ جديع بن هذال على قصيدة مويضي الدهلوية العجمية السابقة بقصيدة وطلقها لسبب أنها تغزلت به . وان قصيدها أصبح يحكي به كل الرجال وهذي هي القصيدة : يا راكب حيـل ٍ الـى لجلجنـي عوص لهن مع نازح البيد مرمـال الى مشـن مديدهـن مـا يونـي لكن حاديهـن مـع الـدو خيـال مدن من الانجـاج حيـن انهلنـي والظهر عند صخيف اللون مقيـال والعصر عند صويحبـي بركنـي أبـو ثمـان كنهـن در الاجهـال لاجيت موضي يامنـاي ومظنـي وصل سلامي لبنت ماضين الافعال وقله تراها طالـق الحبـل منـي اللي قصيده يلعبـه كـل رجـال نرى في البيت الاخير أن الشيخ جديع بن هذال طلقها على أمر لايستحق أن تجازي به كالطلاق ، ومن هنا يتبين للقاريء شخصية جديع القوية والعصبية في نفس الوقت ويتسرع في إتخاذ القرار**** . فبعد هذه القصيدة ردت عليه مويضي الدهلاوية العجمية بقولها : حي الجـواب وحـي منهـو جوابـه ياشيخ يـا مكـدي غثيثيـن الاجنـاب يـا شيـخ والله مـا مشيـت بمعابـه ولا خايلت عيني علـى كـل نصـاب وأن كان قولـي فيـك كلـن حكابـه عرضي نزيه ولا حكى فيـه هـزاب ارجيـك رجـوى الباديـة للسحابـه وجازيتني في كلمـة ٍ مالهـا أسبـاب هذا النصيب وما بغـى الـرب جابـه وان صك باب العبد عند الولي مية باب ثم رجع الشيخ جديع بن هذال وتندم وأراد أن يردها زوجة له الا أنها رفضت ذلك وقالت : جديـع يومنـه بغانـي بغيـتـه ما طمحوني عنه كثر العشاشيـق واليوم يومنـه رمانـي رميتـه رمية وضيحيٍ رمـوه التفاقيـق جديع أنا حرمت مسكـان بيتـه الا مغيب الشمس يرجع لتشريق ولا أن صوت الحي يوحيه ميته أو ينبلع سم الحيايا على الريـق عسى يجيني شيخ يسمع بصيتـه سنافي يعطي من طوال السماحيق وبعد طلاقها وبعد البيت الاخير خصوصا، سمع الشيخ مجلاد بن فوزان بها وبآخر بيت قالته في قصيدتها وتزوجها.. |
قصة جميلة ونهاية حزينة
واجمل مافي القصيدة اعجبني بلاغة هذه البيتين وقوة معناها جديع أنا حرمت مسكـان بيتـه الا مغيب الشمس يرجع لتشريق ولا أن صوت الحي يوحيه ميته أو ينبلع سم الحيايا على الريـق مشكور اختي ابتسامة الامل على هذا الاختيار المميز دمتي راقية |
صح اللة الّسنتهم محاورة شعرية رائعة
اعبتني هذه الابيات التى تدل على حنكة هذه المرأة حي الجـواب وحـي منهـو جوابـه ياشيخ يـا مكـدي غثيثيـن الاجنـاب يـا شيـخ والله مـا مشيـت بمعابـه ولا خايلت عيني علـى كـل نصـاب وأن كان قولـي فيـك كلـن حكابـه عرضي نزيه ولا حكى فيـه هـزاب ارجيـك رجـوى الباديـة للسحابـه وجازيتني في كلمـة ٍ مالهـا أسبـاب هذا النصيب وما بغـى الـرب جابـه وان صك باب العبد عند الولي مية باب يسلمو ابتسامة الامل على الطرح الموفق .. تحياتي |
أ‡أأٹأˆأ‡أ“:
يسلموووو اخوي خالد على مرورك الكريم نورت يالغلا لاعدمناك |
أ‡أأٹأˆأ‡أ“:
لاعدمناك يالغلا |
ياويلاه بصراحه وش اقول وايش اعلق االقصيده كان فيها لين وشده
وكانت من شاعره لزوجها الذي فهم غلط وطلقها وتندم على الطلاق ولاكن كانت من نصيب من هو اقوه منه واشهر منه سلمت يداك على هذا النقل الرائع تحياتي |
عسى يجيني شيخ يسمع بصيتـه سنافي يعطي من طوال السماحيق
وتم جزاها من ربها بالشيخ مجلاد بن فوزان مشكورة ابتسامة الامل ...........روعة |
حي الجـواب وحـي منهـو جوابـه ياشيخ يـا مكـدي غثيثيـن الاجنـاب يـا شيـخ والله مـا مشيـت بمعابـه ولا خايلت عيني علـى كـل نصـاب وأن كان قولـي فيـك كلـن حكابـه عرضي نزيه ولا حكى فيـه هـزاب ارجيـك رجـوى الباديـة للسحابـه وجازيتني في كلمـة ٍ مالهـا أسبـاب هذا النصيب وما بغـى الـرب جابـه وان صك باب العبد عند الولي مية باب بصراحه القصه رائعه والاشعار اروع تبادل فذ للحوار بابيات القصيد واروع ما فيها هذه الابيات التي ارسلتها اليه جواب على قصيدته الاولى بعد طلاقها يعطيك الف عافية بسووومه لك مني كل الود اختي |
أ‡أأٹأˆأ‡أ“:
سرني تواجدك الكريم لاخلا ولاعدم |
أ‡أأٹأˆأ‡أ“:
|
| أ‡أ،أ“أ‡أڑأ‰ أ‡أ،أ‚أ¤ 06:37 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir