مشاعر حايره
 

[poem=font=",4,indigo,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]

لما تغيب وتنقطـع عـن محبيـك = ولما تضيق بوجهك ادروب وصله
ولما يحن القلب والبـال يطريـك = وارضك بعيده والشوامـخ مطلـه
ولما تنـادي صاحـب ومايلبيـك = وتعلم ان الصـوت مايستمـع لـه
ولما تنـام وتحلـم انـه يناديـك = وتفز مـن نومـك ودمعـك تهلـه
ولما تضيق وتفتقـد مـن يسليـك = من نظرته تشفي عنـا كـل علـه
ولما يلي ذكـراه موقـف يبكيـك = ويمر جنبك خـل يضحـك وخلـه
وتعيش دنيا مابهـا حـال يغنيـك = عن قلب من سابق عهودك تحلـه
تسقيه من شهد المحبـه ويسقيـك =عصير وده والغلا وطيـب اصلـه
تصبح اسير ومن من الاسر يعفيك = لو مايزور الحلم بك طيف ظلـه
والليل من ضمن الوفيـات ينعيـك =حتى يلاقي من سلب حـس عقلـه
خذ واستبح قلب (ن) يحبك ويغليك = بين الخلايق ماعشق قلـب مثلـه
ولا وهب لك عمر واعطاك تمليـك = الا لانـك ماخـذ العـمـر كـلـه
ومهما جرت في حبنا احداث تشقيك = ماهزته كـم حاولـوا نـاس قبلـه
ومهما تقل فينـي وفيـك واشيـك = الحب فينـا شاهـد القـول فعلـه[/poem]

ايضا من القديم لايوجد جديد حاليا ههه اتمنى تنال اعجابكم


عزيز العولقي

الرحال ؟؟؟ صح الله بدنك وتسلم والله على المرور والاطراء ماقصرت يالغالي
خالص التحيه

صح لسانك أخي عزيز
أبيات رائعة وجميلة في تسلسها وعذبة القوافي


الله يعطيك العافية :)
وهات لنا من الجديد

شـكــ وبارك الله فيك ـــرا لك ...
موفق بإذن الله ... لك مني أجمل تحية .

خالد صح بدنك وتسلم والله على المرور الطيب وماقصرت يالغالي
خالص التحيه

البدوي حياك الله واهلا وسهلا فيك ارحبت يالغالي
وتسلم ماقصرت على المرور الطيب
تقبل خالص التحيه

الله يحيك ياالغالي
هذا كله من طيبك