منتديات شبكة خورة العربية - يلي رموشك كنها رمح جساس

يلي رموشك كنها رمح جساس

من صابته يلقى نهايه شنيعه

طعنت طعنه دون تفكير وقياس

واشعلتها مابين بكر و ربيعه

أهديت لك قلبي وعقلي ولاحساس

لكن جازيته بصد وقطيعه

ياعقد لولو ياجواهر والماس

حرام من يهواك ترضى تبيعه

تركتني بين الرجا هو وياالياس

اصارع امواج الغرام الفضيعه

توعد وتنساني وانا قول لاباس

وكل مره تختلق لي ذريعه

وبني وسوس وانت تهدم لي الساس

واتحمل آثاره ولومه وريعه

حتى دهاني من قفا الهم هوجاس

وضاقت علي افجوج بقعا الوسيعه

مدري وش الي صار يا أطيب الناس

ولا التغلي فيك شكله طبيعه

خضعت لعيونك ولايخضع البأس

الا لك انته يالصفات الرفيعه

اموت بك روعه ورقه وانفاس

واعيش بك أجواء حلوه بديعه

وانت الفرح وانت والمرح وانت لاعراس

وانته خريف العمر وانته ربيعه

وانا دخيلك ترحم انسان حساس

لاتمسكه من يده الي وجيعه

اما اقتله وافصل كيانه عن الراس

ولا اعتقه لله حسب الشريعه

عبدالكريم لزنم

......