منتديات شبكة خورة العربية - اساسيات الميك اب ، لو عندك مشاكل مع الميك اب تعالي وشوفي الحل

السلام عليكم

بنات كيفكم

انا اعملكم دروس لكن تنحذف بسبب انها فيديو ماعلينا انا ان شالله حنزلكم صور لو عملت لوك عشان ماينحذف

اليوم حابه اتكلم معاكم عن اساسيات الميك اب بالنسبه لي ممكن في بنات يكونو مو عاجبهم كلامي وعادي جدا الناس تختلف وكمان كلامي هذا ممكن يناسب بشره او ملامح ومايناسب الثانية

ف الاختلاف جميل لانه يبين لنا جوانب ثانيه ممكن احنا مانتبهنا لها

اولا شي في الميك اب

البشرة ثم البشرة

https://s3-eu-west-1.amazonaws.com/e...d9249a67c6.png

اهتمامك في بشرتك عنايتك وتنظيفك لها راح تعطيك لوك نهائي جميل

لو الفاونديشن طلع عليك مرتب والكونسيلر مو متكتل والبشره ماتقشرت معناته انتي في الطريق السليم

ومايصير هذا الشي الا اذا كنتي معتنيه ببشرتك

مو مهم يكون عندك كلف او نمش لان هذي الاشياء صعب انها تروح للابد

وكثير تعالجو منها بس ترجع ويرجعو يتعالجو وهكذا

المهم في البشره تكون نظيفه لان البقع او النمش او الكلف راح تتغطى بالميك اب وهذي اصلا وظيفه الميك اب انه يغطي البقع ويوحد اللون

بس الميك اب ابدا ومستحيل يقوم بوظيفته على اكمل وجهه بدون مابشرتك تكون نظيفه السطح الناعم لو حطيتي عليه اي شي راح يتقبله ويتجانس معاه

لكن السطح الخشن لو حطيتي عليه لو مويه راح تبقى عليه بتكتل وماراح تتجانس وتطيح بسرعه زي الناعم

طيب كيف اعتني ببشرتي ؟

https://s3-eu-west-1.amazonaws.com/e...d9271bdf15.png

اعمليلها جدول تقشير او ماسك ،اسبوعي او كل ٣ ايام لو كنتي تحطي ميك اب يوميا

"تقشير" اقصد بمقشر من الصيدليه او شوفان وزيت او اللي يناسب بشرتك

الماسك او التقشير تفرقي بينهم على حسب بشرتك انا مو دكتوره لكن من خلال اطلاعي

http://1.bp.blogspot.com/-ZmouhQA97b...Gg/s1600/1.jpg

المقشر والماسك تقدري اذا بشرتك مافيها حبوب تستخدميها بتبديل بينها مثلا هذا الاسبوع ماسك الاسبوع الجاي مقشر بس ماتكون مع بعض

اما لو بشرتك فيها حبوب تستخدمي ماسك افضل عشان المقشر مايهيج الحبوب

بعد العناية بالبشرة وتنظيفها

https://s3-eu-west-1.amazonaws.com/e...d935991f63.png

يتبع .... لو عجبكم الموضوع حكمل !

اخاف استطرد وفي االنهاية مايشوفه احد

+

يابنات انا ارحب بالنقاشات وارحب بالاضافات حتى لو كانت عكس كلامي زي ماقلت في بداية الموضوع

هنا انا للفايدة والاستفادة مو عشان افرض اشياء فقط

https://s3-eu-west-1.amazonaws.com/s...s1/smile12.gif