منتديات شبكة خورة العربية - أبيك لو طالــت الأيام تذكــرني؟!

[align=center][table1="width:95%;background-image:url('http://www.khorh.net/vb/mwaextraedit2/backgrounds/9.gif');border:4px inset firebrick;"][cell="filter:;"][align=center]أبيك لو طالــت الأيام تذكــرني؟!

يامنتهى الذوق كلــــمني وخبرني
عن صحـــتك ياأعز الناس وأغـــلاهاا

وعن زايد الشــــوق طمني وبشرني
وعن المحــبة بقلــبك كيف دنيـاهاا

حي الله اللي ملك روحــــي وسيرني
على دروب الغـــلا والنفــس يدراهاا

لاناموا الناس طيفك جـاء يسهـرني
ونفــسي على درب وصلك طـاب مسراهاا

تدري لوتغــــيب بغـيابك تدمرني
وتذبل مشاعــر بنبع الحب منشــاهاا

وتدري لو تروح عن عيني وتهجـرني
تذنب بنفــس ٍ تعــبت أجمّّــع أشلاهاا

وتدري على مركب أحـــلامي مسفرني
أعبر بحـــورك ولاادري وين مرسـاهاا

وتدري وش اللي على غيابك مصبرني
محبــتك لي بكف العهـــد ترعــاهاا

الله على حـــبك الســـامي يقدرني
وارضي عيونك من أقصاها إلى اقصاهاا

الوقـت طـــــــــــــــــال والايام تقهرني
حتى العـــيون الغـوالي رخصت ماهاا

عمري قبل شوفتك قـــاسي ومنكرني
أبني صــروح الأمــل ويهــد مبناهاا

ماابيك ياغايتي بالحـــب تشكرني
أبيك ترعى مشاعــــر صـــرت وياهاا

وابيك في حضنـك الدافــي تدثرني
وتسمــع تناهيد نفسٍٍ ضاق مجـــراهاا

واذا غرقـــت بغـــرامك لاتدورني
أبحث عن الروح في روحـــك وتلقاهاا

وابيك تجمـــع شـتاتي ثم تنثرني
على رحــــابة غلاك وطـــيب سكناهاا

ضمد جــروحي وبالأشــواق عمــرني
على يدينــك شفـا روحـــي وسلواهاا

لاتترك الجــرح لين النزف يغمرني
ترى الجـروح ان تمادت يصعب ادواهاا

وأبيك لو طالــت الأيام تذكــرني
حــلات الأيام يوم تعـــيش ذكــراهاا

مشاعــري لك يانور العين تجبرني
أكتب بيوت القصـــايد لجل تقـراهاا
[/align][/cell][/table1][/align]