منتديات شبكة خورة العربية - عالم على شان الشرف تخسر فلوس---وعالم عشان فلوس تخسر شرفها

البارحه عمّك .. عسـف لـك.. يافـرّوس
مهرة شعـر.. ماكـل شاعـر .. عسفهـا
دروس .. والدنيـا تجـاريـب .. ودروس
ودروسهـا .. ماكـل واحـد .. عرفـهـا
كم لي وانا.. يافـارس .. احـوس وادوس
حست ..بترف بقعـا .. ودسـت بقرفهـا
أقواس والاقواس .. من قوس فـي قـوس
تــزداد قسوتـهـا.. ويكـثـر كلفـهـا
ماينعرف فيها .. تضاريـس .. وطقـوس
واوصافهـا .. ماتنوصـف.. لـو بصفهـا
العكس فيهـا صـح.. والصـح معكـوس
بسبابهـا .. العاقـل .. دموعـه ذرفـهـا
عالم كما الماطر .. وعالـم كمـا السـوس
هــذاك ينفعـهـا .. والآخــر تلفـهـا
عالم على شان ..الشرف .. تخسر فلـوس
وعالم عشان ..فلـوس .. تخسـر شرفهـا
وعالم معاهـا فلـوس ..وحلوقهـا يبـوس
الله يلعـنـهـا .. ويـلـعـن جـدفـهـا
تضحك على المعزا .. تقول انتـي تيـوس
وعشـان.. تحلبهـا .. تـقـرّب علفـهـا
وعالم عزاز نفـوس ..ماتحنـي الـروس
وعالـم معزّتـهـا.. عـلـى الله خلفـهـا
وعالم هدفهـا.. بيـن الأهـداف مـدروس
وعالم ماتدري فـى الحيـاه .. اش هدفهـا
وعالـم تعبهـا .. لجـل جنّـات فـردوس
وعالـم ورى الدنيـا .. طمعهـا جرفهـا
ياكم وكم واحـد .. علـى نفسـه يـدوس
قد راح فى الرحله .. وهـو مـا انتصفهـا
حـوّل وحبـل الوقـت ماهـو بممسـوس
ورمـى بنفسـه .. للسنـيـن وصلفـهـا
منحوس .. بين الناس ..وتقـول معمـوس
رجلـه عـن دروب المراجـل.. حرفهـا
راسه مابين الروس واطـي .. ومنكـوس
رام المـذلّـه .. والـمـعـزّه حـذفـهـا
ومـن الـردى قلبـه معبّـا .. ومتـروس
مافيه مهنـه.. بالـردى .. مـا احترفهـا
نجس ومخاوي له.. من العالم .. انجـوس
ومـن الجهـل كـل الذنـوب.. اقترفـهـا
عمى بصيـره .. فـى الملـذّات مغمـوس
نفسـه علـى الشهـوه .. مايبـرد لهفهـا
وياكم وكم واحـد .. خـذا العـز ملبـوس
عـاف المـذلّـه .. والمـعـزّه ولفـهـا
قاس البحر .. لين أصبح البحـر مقيـوس
ورجله.. علـى درب المراجـل.. كرفهـا
وهو.. لها .. فـي يـوم دايـس ومديـوس
وان شافـهـا متـعـدّيـه .. مالقـفـهـا
يجلس لاشاف الوضع .. روس وتحت موس
والوقفـه الـلـي تحـرجـه .. مايقفـهـا
يوفي مـع الوافـي.. ولـن جـاه دنفـوس
يعاملـه.. بالعمـلـه.. الـلـي صرفـهـا
الحـر نفسـه .. تهتـوي.. كـل نامـوس
والـلاّش نفسـه .. بالضعافـه.. كتفـهـا
سلّم على اللي فـى المهمّـات .. فاعـوس
اللـي بنـى القالـه .. وعـاش بكنفـهـا
اللي على الدّين .. وبـه الدّيـن محسـوس
ونفسه علـى الدنيـا .. مايكثـر حسفهـا
هـذاك لا خايـب .. ولاهـو .. بمتعـوس
شمسـه تشـع بطيـب ماقـد .. كسفـهـا
طيبـه مـع الجيـران .. بيّـن وملمـوس
وعلى اخويـاه ..الـروح.. زايـد شغفهـا
وفـي حلّتـه تلقـاه.. وافـي وسنـعـوس
يكمل وجـوب الضيـف .. لـو يستلفهـا
ورجّال مع ربعـه .. ولا هـو بخنفـوس
مع لابته .. نعـم الخلـف .. فـي سلفهـا
قلته وانا قلبـي .. بالاضـلاع.. محمـوس
محموس من .. جور .. الليـال وشطفهـا
كم هم .. في قلبي .. وكم حـزن محبـوس
من بعد .. ما افراحـي .. زمانـي نسفهـا
دنيـا تشيّـب روس.. وتقلّـع ضــروس
ماترحـم اللـي يرتمـي .. فـي طرفهـا
ياعنـك ماتبغالهـا .. واحـد .. يـهـوس
أبلـه .. يثبّتهـا .. وهــو مارصفـهـا
دنياك يافارس تبي .. سايـس .. يسـوس
دايـم عزومـه زايــده فــي سرفـهـا
يبين لك .. فى أيّامهـا .. كـل مدسـوس
وان طال عمـرك .. لاهيـا .. تكتشفهـا
يامن غلاك .. بداخل القلـب .. مغـروس
فكري ثمـار .. الشعـر .. لجلـك قطفهـا
غلاوتك والقلـب .. ريّـس .. ومريـوس
ياتلتحـف قلـبـي .. يـاهـو يلتحفـهـا
واذا حصل .. تقصيـر .. منّـي يافـرّوس
اقبـل عـذر .. نفسـي .. وبالـغ أسفهـا

منقووووووووول