منتديات شبكة خورة العربية

[ALIGN=CENTER][TABLE1="width:100%;background-color:black;border:2px solid deeppink;"][CELL="filter:;"][ALIGN=center]
تولم للجفا خل العتاب وشرهة الخلان
على صم المشاعر ذاب صوتك يا مناديني
نسيت الصوت وأخباره ويا مالك من النسيان
من أقصى خافقي هذي علومي كان توحيني
صبرت ولاظفرت وقلتها لك بالفم المليان
أنا ماجيتك أذرف دمعتي حتى تواسيني
أنا ماجيتك ولا في بالي إلا كان ياما كان
على وضح النقا تدفعني العزة وتغريني
ولو انك في مداهيل الجوازي باشة الغزلان
تهون وكل درب جابني يمك يوديني
حشى ما كنها صابت لواحظ طرفك الفتان
ولا كني سريت بطلتك والليل ممسيني
غلاك اللي ليا جيته زما ما يروي العطشان
لو انك في عروقي تجمعه ما عاد يرويني
على تالي مواعيدك من البارح وانا سهران
بغيتك للسهر مثل المنام وطحت من عيني
قصر عنك البياض وغاب وجهك والوجيه ألوان
يجي يوم تدورني هناك ولا أنت لا قيني
أبد ماهيب من تالي حساباتي وانا ضيدان
اليا مني رضيت بمثل هذي وش تسميني؟!

كلمات الشآعر ...

ضيدان المريخي
اداء المميز .. محمد العبدالله

https://www.youtube.com/watch?v=qvHuOjl2izw
[/ALIGN][/CELL][/TABLE1][/ALIGN]