|
كلام من ذهب
يا مرقب بالصبـح ضليـت اباديـك مـا واحـد قبلـي خبرتـه تعـلاك وليت ياذا الدهر مـا اكثـر بلاويـك الله يزودنـا السلامـه مـن اتـلاك ياللي على العربان عمـت شكاويـك وليت يادهر الخطـا ول مـا اقـواك واليـوم هالكانـون غـادي شبابيـك تلعب به الاريـاح مـن كـل شبـاك يامالك اسمع جابتـي يـوم اوصيـك واعرف ترى يابوك بآمرك وانهـاك وصيـة مـن والـد طامـع فـيـك تسبق على الساقـه لسانـك لعليـاك اوصيك بالتقـوى عسـى الله يهديـك لهـا وتداركهـا بتوفيـق مــولاك الله بحـق اجـدادك الغـر يعطيـك رضاه مع كل ما تمنـى مـن منـاك احفظ دبشك اللى عن النـاس مغنيـك للي اللى بـان الخلـل فيـك يرفـاك واعرف ترى مكـه ولاهـا بناخيـك ولو تطلبه خمسة دواوين ما اعطـاك اجعل دروب المرجله مـن معاليـك وادراج سيسها علـى العـز مرقـاك لاتنسـدح عنهـا وتبغينـي اعطيـك جميع مـا يكفيـك مـا حصلـه ذاك احـذر امـر ليعـات ابيهـا لتاليـك ايضا ويرخص عندها قـدر مـاواك ادب ولدك ان كـان تبغيـه يشفيـك واستسعفه مـن بعـد مربـاه يـالآك اما سمج استسمجـك عنـد شانيـك ويفر من فعلـة صديقـك وشـرواك والا بعـد جهلـه تراهـو بيـاذيـك لـو زعلـت امـه لاتخليـه يـالاك واحذر تضيع كل منهـو ذخـر فيـك معروفـه لاتنسـاه واوفـه لعرفـاك ترى الصنايع بين الاجـواد تشريـك اللـى طمعـت بركزهـا لاتـعـداك واحذر سرور بغبت البحـر يرميـك ولا عنده افلس من تجزعك وابكـاك واوف الرجال حقوقهـا قبـل تعنيـك لا تعتمـد بالقـول والحـق يقضـاك وهرج النميمه والقفـا لايجـي فيـك واياك عرض الغافـل ايـاي وايـاك تبـدي حديـث للمـلا فيـه تشكيـك وتهيم عند الناس بالكـذب واشـراك واذا نويـت احـذر تعلـم بطاريـك كم واحد تبغي به العـرف واغـواك واحذر شماتة صاحب لـك مصافيـك والى جرالك جـاري قلـت لـولاك ولاتحسـب ان الله قطـوع يخلـيـك ولاتفرح ان الله على الخلـق بـداك ان اشتهى حط الطمـع فـي تواليـك لومـا لقيتـه يافتـى الجـود يلقـاك والضيف قدم واجبـه حيـن يلفيـك مما تنوشـه يافتـي الجـود يمنـاك اكـرم اقبالـه فانهـا مـن شواذيـك وابذل له المجهـود مـا دام يعنـاك احذر تلاقي الضيف مقـرن علابيـك خله محـب لـك صديـق اذا جـاك واوصيك زلات الصديق ان عثا فيـك مادام يغطاهـا الشعـر فاحتمـل ذاك راعه ولـو ماشفتـه انـه يراعيـك عساك تكسـر نيتـه عـن معـاداك واحذر عدوك لو بغى بـي يصافيـك خلك نبيه وراقبـه ويـن مـا جـاك لاتامنـه فاطلـب مـن الله ينجيـك ويكفيـك ربـك شــر ذولا وذولاك شفني انـا يابـوك بآمـرك وانهيـك عن التعرض بين الاثنيـن حـذراك اذا حضرت طلابـة مـع شرابيـك اسعى لهم بالصلـح والـلاش يفـداك ابذل لهـم بالطيـب ربـك ينجيـك ولا تجضع الميـزان مـع ذا ولا ذاك اما الشهـادة ادهـا ان دعـو فيـك بين عمود الديـن لا عميـت اريـاك بالـك تماشـي واحـد لـك يرديـك طالع بني جنسـك وفكـر بممشـاك رافق اصيل فـي زمانـك يشاكيـك ولاشاف خملاتك عن الناس غطـاك واحذر عن طـرد المقفـي حذاريـك عليك بالمقبـل وخـل مـن تعـداك ثـم العـن الشيطـان ليـاه يغويـك تـرا ان تبعـتـه للشرابـيـك وداك واوصيـك لاتشكـي علينـا بلاويـك انت السبب طرفت عيونـك بيمنـاك واعرف ترى اللي واطى الفعر واطيك ولا انت اعز من الجماعـة هـذولاك المسك ياراسي عن الـذل واخطيـك واحـذر تكلـم يالسانـي حــذاراك والطف بجارك ثم قـم دون عانيـك وافطن لما يعنيك عن ربعـه اخـواك ياذيب وان جتك الغنـم فـي مفاليـك فاكمن الـى حيـث الرعايـا تعـداك مـن اول ياذيـب تفـرس باياديـك واليوم جاذيب عـن الفـرس عـداك ياذيب عاهدني واعاهدك ما ارميـك ما ارميك انا ياذيب لـوزان مرمـاك والنفس خالف رايهـا قبـل ترميـك ترا لها الشيطـان يرمـي بـالادراك ومن بعد ذا لاتصحب النـذل يعديـك وعن صحبة الانذال حاشاك حاشـاك ترا العشير النـذل يخلـف طواريـك وانا ارجي انك ما تجـي دون آبـاك والهقوه انك مـا تجـي دون اهاليـك ولا اظن عود الـورد يثمـر بتنبـاك والحر مثلك يستحي يصحـب الديـك وان صاحبه عاعا معاعات الاديـاك لاتستمع قول الطـرف يـوم يلفيـك بالكذب يقضي حاجته كل مـا جـاك من نم لك بك بـم ولا فيـه تشكيـك والاه قــد ازرا رفيـقـك وازراك عندك حكا فينا وعنـدي حكـا فيـك واصبحت كارهنـا وحنـا كرهنـاك ما اخطاك ما صابك ولو كان راميـك واللي يصيبك لو تتقيت مـا اخطـاك مير استمع منـي عسـى الله يهديـك لنصـح يامالـك لـك الله مــولاك عنـدي مضنـه مـا تمثلتهـا فيـك واطلب لك التوفيق من عنـد مـولاك منــقـول |
عندك حكا فينا وعندي حكا فيك----واصبحت كارهنا وحنا كرهناك
الله ما اجملها من قصيده كل بيت يفيض بالحكمه التي افتقدناها ملحمه شعريه رائعه لاعدمناك اخوي النعمان----ياريت عرفنا من قائلها دمت بخير |
[align=center]هذه ملحمة شعريه اخوي النعمان
تحو يبين جنباتها درر ثمينه حريٌّ بكل فرد ان يتمعن فيها مليا ففيها من النصائح الكثير مما قد يجهله الكثير منا لم يدع الشاعر شأن الا وطرقه فاصبحت بمثابة دستور يستطيع المرء منا ان يتخذه ليسير عليه اخوي النعمان قصيدة عصماء صح لسان قائلها وسلما يمينك لك مني كل الود[/align] |
مشكوووووووور يا خوي على نقل االدرر الجميله
|
النعمان حياك الله وابقاك وحفظك الله ورعاك من كل شر يالجودي وشكراً لك على هذا النقل الموفق والرائع اخي نحن في انتظار المزيد من هذه الدرر واتمنى لك المزيد من التوفيق والنجاح
تقبل مروري ولك مني خالص الود والاحترام والتقدير اخوك الدياني خوره@ |
| أ‡أ،أ“أ‡أڑأ‰ أ‡أ،أ‚أ¤ 06:17 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir