منتدى همس المودة - قصيدة : همسات الأمل

الفجر شقشق شق زيف الليل *** والصبح جاي جايب معاه فكرة
قطر الندى لسه يا دوب بيسيل *** والحرة نازلة تجيب لنا بكرة

صابها الخسيس و أتباهي بخيانته *** والقاضي راضي والشهود عميان
والحرة واقفة في قلب زنزانته *** ضحكتها طعنة في قلب كل جبان

زى الحمام طايرين *** سور القفص غيه
أصل البراح زنازين ***والسجن حرية
والثورة حق ودين *** والنصر أغنية

وري ابتسامتك للي فاكرينك *** لما أنسجنتي هينحني جبينك
هما تغيب الشمس في عيونهم *** وانتي تغير الشمس من عينك

الأبيض دا لون العزة يا عروسة *** أنتي اللي حرة وبلدى محبوسة
صوتك يا بنت الحق بقي ثورة *** يقدر يرجع مصر محروسة

منقول