يا ذيب جيت أشكيلك الحال يا ذيب
جيتك وانـــــا يا ذيب نفسي عليله

مقبل عليك ومرتجي منك ترحيب
ودّي بقربك فوق راس الطويـــله

البــــارحه رتّبـــت بالقـــاف ترتـيب
ومن زود همّي عدت قافي بـ (شيله )

لا جيت أبكتب زاحمنّي المكاتيب
ويــــلآه من زود الهموم الدخيــــــله

يا سدرة(ن) في داخلي فاحة الطيب
فوحي بنا عن كـــــــل هم(ن) نشيله

يمسي بنا ويصبح بنا وقت(ن) صعيـب
وغصن(الشكا) غصبن علي أرتكي له

في هالزمن ياذيب ما ينفع الطيب
ولا تنفعك حتى الفعال الجميـــــله

سيوف غدر البشـــر ما عنّي تخيب
تسكن حشا روحي ولو هي ثقيله

شمس الوفا غابت وما كانت تغيب
والناس تبحث عن طبايـع بديــــــله

والطيب أقفى بعد راعي المواجيب
وكلن على دربه مشى مع خليــــله

وانا وحيد(ن) فوق روس المراقيب
تسعد هوى بالي بيوت(ن) جزيله

وضح النقا فيني ولا خالطه عيب
طبع الوفاء وبكل فخر أنتمي لـه

في دنيتي ياما جرحتني المخاليب
و خيــل الصبر فيني يزيـد بصهيـله

وظلوع صدري أحرقتها اللواهيب
لاضعــت من حظي يجيني بديله

راسك ترى يا ذيب عشعش به الشيب
تدري ؟؟ خلاص إبعد وانا همّي أشيله

هلا والله بالاخو سالم نسل لجواد

كم اسعدني مرورك ومشاركتك اخي الغالي

تحياتي لك يانسل سحاق

الاخ العزيز والغالي نسر الغربه

اشكرك من كل اعماق قلبي على ماخطه قلمك

الف الف الف تحيح لك

الذيب

يالله يالسحر هذه الكلمات اختي اميره

احرجتيني بذوقك الراااقي والكلمات العطره التي افتخر بها والله

لك مني كل احترام اختي

ربي يسلمك يالطيف المهااجر

مرورك الجميل والاروع

اشكرك على تواجدك في الموضوع

تحياتي لك

الله يعافيك اختي

اشكرك على مرورك العطر الذي اسعدني

تحياتي وردة الاحساس وللاحساس وورده