منتديات شبكة خورة العربية - من قصائد الشيخ / عمر بن سالم باسهل بو وليد

منتديات شبكة خورة العربية (http://www.khorh.net/vb/index.php)

- قسم الشعر وهمس القوافي (يمنع المنقول ) (http://www.khorh.net/vb/forumdisplay.php?f=19)

- - من قصائد الشيخ / عمر بن سالم باسهل بو وليد (http://www.khorh.net/vb/showthread.php?t=70038)

من قصائد الشيخ / عمر بن سالم باسهل بو وليد

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

يالله يامولى القدر هو والقضاء = مرسي الشوامخ والسماء بانيها
ياماسك العصفور في جو السماء = والفلك في غزر الغبب مجريها
ندعيك ما غيرك سميعاً للدعا = سالك همومي كلها تجليها
والنفس اماره رحمها بالتقى = والمغفره لا قابلت باريها
الف صلى الله ما القاري قراء = في اول الختمه وفي تاليها
على رسول الله طه المصطفى = مرسول بالحق لأمته يهديها
يقول من يمسي ويصبح في شقاء = والنفس محنونه الى ماضيها
وقت الطفوله والبرائه والصفا = ما صّور الدنيا ولا من فيها
وايام وقت الطيش وايام الهوى = كاس الهويه ترتشف صافيها
وش بايرد الوقت لي هو قد مضى = صفحه مضت واذا مضت نطويها
ماليوم بيت في همومي ع الوقا = فكر في الغربه وكيف انهيها
لما متى لما متى ياهل ترى = باتنتهي ولا النهايه فيها
والا التعب مال وماله منقضى = ولذه الدنيا والقاء لي فيها
حتى اراضينا خبارها مهي سوى = كل محكمه تلعن على قاضيها
والجار يتربص لجاره في خفاء = والخو على اخوانه خطط يلقيها
ماحد ولد من لي يردون الخطاء = ولاشاف بلوى باتقع يحميها
ويحيزها قدام تتلهض لضاء = ماهو اذا لهبت حضر يطفيها
لان الوقايه خير من صنع الدواء = امراض بعض احيان ما يشفيها
كل من يحب لصلاح يقدر لا نوى = يدخل بنيه صافيه ينويها
ما البعض يدخل لجل كشاف الغطاء = ماله طلب غير القصص يرويها
دايم يقدم ذا وذا يرجع وراء = ويصيب هذيّه وذاك يخطيها
ماقول ذا داري وهذا ما درى = وكلمه الحق لوم من يخفيها
كل من خفاها شل قسمه بالوفا = واصبح قسيم اثنين في ماسيها
ياللاسف ياللاسف من لي جرى = في ارض ماشي لايمه تضويها
حلانها ع الجود والعز والوفاء = ربيوا قبايلها مع قرويها
ياتبرعه لو فيش اي عضو اشتكى = حسيت اعضائي البلاء فر فيها
ارض الشهامه والتقى هو النقى = قلعه حصينه ركنها يحميها
لا غبها الماطر اذا البارق سرى = من كل سريه لا سرت ترويها
وبعد قال الشيخ باسهل الفتى = ياسامع اقوالي ويا قاريها
مساكم اوصبحكم الله بالرضى = عندي لكم محزاه من يفتيها
بحزيك من حبه كريهه في الثرى = من سمح مدفونه بغت ساقيها
ابليس يحييها ويغوي من غوى = وثماره عيفه على جانيها
والختم باصلي على خير الورى = صلاه ما تعتد ولا نحصيها

[/poem]

الشاعر/عمر سالم باسهل