في كفها خاتم وفي خدها خال ..

وفي عينها غيم وعمارات وبيوت





الخال شفته واضحٍ من ورى الشال ..

والخاتم الماس مرصع بياقوت





والعمر في العشرين كني مانيب زال ..

.وخطواتها ماهي بالأمتار بالفوت





ماهي تشوف الشمس من ظل الاظلال ..

ومصيافها ما بين لندن وبيروت





الشمس لو تشرق على جسمها سال ..

كنها مجسم محلبيه وبسكوت





ومن صغر مبسمها شقى حالها الحال ..

..ما تاكل الا اللوز والخوخ والتوت





ماهي تشوف الناس تمشي وتختال ..

.ومرٍ على جاكور ومرٍ على حوت





وخدامتين وهي بلا زوج وعيال ..

.وسمعتها تدعي الدريول يياقوت





وثلاث جوالات ماهو جوال ..

..ومن يوم خلقت كل شيٍ بريموت





لكن قلبي مالها فيه مثقال ..

.وش قرب البشت الحساوي من الكوت







حوريةٍ من فوقها الليل شلال ..

..كنها صبحٍ فوقها الليل مكتوت





قلبي لها من كثرة الشوق مشخال ..

..وللسر عن كل المخاليق تابوت





تنحت لي من الحب في القلب تمثال ..

.وحبي لها ينحت على الساحه بيوت





في عينها ماكل رجال رجال ..

.وأقصى حدود الوصل في سلمها الصوت





زودٍ على القلب وعلى الحسن من آل ..

.روسٍ لهم روسٍ على متونها بشووت





الى رضت موتوا يا أهل روس الأموال ..

.وإلى زعلت جربت وش سكرة الموت





من دونها رجلي وراكب وخيال ..

.والسيف والأمواج والبحر والحوت





ملطوووووووووووووووش لعيونكم

مشكور اخي صقر شبوة وفريد العولقي على مروركم الكريم الله يعطيكم العافية
ولكم مني الشكر والتقدير,,,,,,,,,,,,,,,,,,,,,

أ‡أ،أ£أ”أ‡أ‘أںأ‰ أ‡أ،أƒأ•أ،أأ‰ أںأٹأˆأٹ أˆأ¦أ‡أ“أکأ‰ المجروح من حبيب الروح (أ‡أ،أ£أ”أ‡أ‘أںأ‰ 238671) اشكرك على هذه الابيات الاكثر من رائعة دمت بود المجروح من حبيب الروح