منتديات شبكة خورة العربية

طبع الردي

بعض العرب خاين وبانت خوافيـــه ..
ماله امان متقلباً على كـل مذهـــب

إن جات ريح الشرق تحرك سوافيه ..
وإن جات ريح الغرب معاها يهــب

لاعهد لا مبدا ايه ماكثر بلاويـه ..
يبتسـم لك ونار الحسد بالقلب تشتـب

كلامه حلو وافعاله من فعال السفيــه ..
اول اسد ضرغام وبعديـــن ثعلب

يالعنبو طبع الردي واللي يخاويـه ..
ساعات معك وساعات ضدك ينقلـب

لامرجلة رجال ولانخـــوات فيـــه ..
قربة يعل القلــب يعدي بالجـــــرب

ياجعل صديق الروح منه يعافيه ..
ويارب تفك الطير من ذاك النشب

صحبتي صحبة شرف والله ماهيــه ..
صحبة ردي القوم مقطـوع النسـب

شامخ شموخ الجبل ولامن يوطيــه ..
لارعد رعد الصيف ومرور السحب

ماساير إلا عرب من قـوم وافيــه ..
ربعي بنوا حمير وهم فخر العــرب

عزوتي ذيب بن حمير واللاش تكفيه ..
لطمة لاصادها من معاصير الشنـب

قوماً لها وقفــات ولاهي بمنسيـة ..
في نصرة المظلوم لادمعه سكـــب

حنيني حنين الميج لاطابت النية ..
لاسرجــــت فالليل تولّــــع باللهــب

حنيني حنيني لهم من روح مضنية ..
هم عزوتي وغيرهم يذهب لاذهــب

اهل الكرم والجود لهم بالقلب حنية ..
حيا رجال الضيـق رميان السلــب

ذا فصل والثاني نعم يانود شليــه ..
شلي ردي القوم وكل فاسق كـذب

وشني دموع الشوق ياعين شنيه ..
على اللي غلاه القلب بدمه والعصب

شني وسكبي عليه من البرد دفيه ..
شني دمع ساخن اوقدي لـه حطـب

وسكبي عطرمن باريس بالله رشيه ..
وفرشي بين الرموش للزين الكنب

وزرعي بين الضلوع بستان وسقيه ..
نبته من التين والرمان ونواع العنب

كله للي غلاه القلب اللــه يهنيــه ..
هذا كلام الصـــدق ولاحـــب اللعـب

يهناه ورب الكون كله ويجنيـــه ..
ويقلط بخافق الطير من قذف الشهب

ياجعل راسي فداه والروح تفديه ..
وياجعل همــه يحط فوقـــي والتعــب

هاجس معي مقوي مزود بجنية ..
فنيّة ومتلبســــه بانواع الذهــب

لا ضاق حال الطير اللــــه يخليــه ..
يوفي ما وعـد به ولايخلف طلــب

يجيني ومثل الرعد لاحن قبلية ..
يرعــد براس الطير والليل انسحــب

هذا وختم الطير أزهى قوافيــــه ..
صلاة عالمحبوب ياذا المحــــب

عالمصطفى المختار صلوا عليه ..
عد ماقراء قاري وماكاتـــب كتــب .

وســــــــــلامتـــــكم