منتدى همس المودة - غلاك في قلبي كما الشيك مفتوح= وكل يوم يمر يزداد مقدار

من كلمات صوت الرمال ابو ناصر

غلاك في قلبي كما الشيك مفتوح
وكل يوم يمر يزداد مقدار
وشيدت لك في داخلي صروح وصروح
ومن الغلا سويت لك نصب تذكار
وش عاد تبغى يامنى القلب والروح
اجرت لك قلبي بلا عقد ايجار
من شان تقعد فيه دايم ولاتروح
سته شهر بيمين وسته بليسار
وعامن ورى عامن وانا قول مسموح
مرسلت لك كلمه ولا ارسلت اشعار
حاولت اخفي سرنا واخفي البوح
يمكن تجيني من معاليك لعذار
واليوم اسمح لي ترى الدمع مفضوح
دمع المتيم صار يفشي بلسرار
وجيتك وانا كلي امل بس مجروح
باعلن وداعي عبر ديوان لشعار
من صدق قوله من عنا قلب مذبوح
ماهي بمزحه اوفقط لفت لنظار
لاغاب صوتي اكثر النوح والنوح
واكتب قصيده عن مهاجر عن الدار
وضحت لك قصدي واظن يكفي وضوح
واذا تبيني دق رقمي بلصفار